ഓണ്‍ലൈന്‍ ടാക്സി സേവനദാതാക്കളായ യൂബറിൽ ഓട്ടോറിക്ഷ സർവീസ് ഇന്ത്യയിൽ പുനരാരംഭിക്കുന്നു. രണ്ടു വര്‍ഷം മുമ്പ് ഓട്ടോ സർവിസ് നിര്‍ത്തിയ സര്‍വ്വീസ് ബെംഗളൂരു പുനെ എന്നിവിടങ്ങളിലാണ് ഇത്‌ ആരംഭിക്കുന്നത്. സാധാരണക്കാർ ടാക്സിക്കാറുകളെക്കാൾ ഓട്ടോയ്‌ക്ക് മുൻഗണന നൽകുന്ന രാജ്യമാണ് ഇന്ത്യ. അതാണ് ഓട്ടോ സർവീസ് പുനരാരംഭിക്കാനുള്ള കാരണം. ജനുവരി അവസാനത്തോടെയായിരിക്കും ഇവിടങ്ങളിൽ സർവീസ് പുനരാരംഭിക്കുക.
ആപ്പ് ഉപയോഗിച്ച് ഓട്ടോ ബുക്ക് ചെയ്യാമെന്നും ഡെബിറ്റ്, ക്രെഡിറ്റ്, ഇ വാലറ്റ് എന്നിവ ഉപയോഗിച്ചും പണം അടയ്‌ക്കാമെന്നും കമ്പനി വക്താവ് അറിയിച്ചു.
ഊബറിന്റെ മുഖ്യ എതിരാളിക’ഓല’ നിലവിൽ ആപ്പ് ഉപയോഗിച്ചുള്ള ഓട്ടോ സർവീസ് ബെംഗളൂരുവിൽ നടത്തുന്നുണ്ട് . ഭാവിയിൽ ഇന്ത്യയിലെ മറ്റു നഗരങ്ങളിലേക്കു കൂടി സർവീസ് വ്യാപിപ്പിക്കുമെന്ന് യൂബർ വക്താവ് അറിയിച്ചു .
പ്രതികരിക്കാൻ ഇവിടെ എഴുതുക