പത്മാവത് സിനിമക്കെതിരായ പ്രതിഷേധത്തില് കര്ണി സേനക്കെതിരെ കോടതി അലക്ഷ്യ നടപടി ആവശ്യപ്പെട്ട് സമർപ്പിച്ച ഹർജികള് സുപ്രീംകോടതി ഇന്ന് പരിഗണിക്കും. പൊതു പ്രവര്ത്തകന് തെഹ്സിന് പൂനെവാലെ, അഭിഭാഷകന് വിനീത് ദന്ദ എന്നിവരാണ് ഹര്ജി സമര്പ്പിച്ചത്.
സിനിമക്കെതിരായ പ്രതിഷേധവും അക്രമവും കര്ണിസേന കോടതി വിധി മറികടന്ന് തുടരുന്ന സാഹചര്യത്തിലാണ് ഹര്ജികള്. ചീഫ് ജസ്റ്റിസ് ദീപക് മിശ്ര അധ്യക്ഷനായ ബഞ്ചാണ് കേസ് പരിഗണിക്കുക.
പദ്മാവതിന്റെ വിലക്ക് നീക്കിയ ഉത്തരവ് ഭേദഗതി ചെയ്യാന് കോടതി നേരത്തെ വിസമ്മതിച്ചിരുന്നു. സിനിമയിലെ ചില ഭാഗങ്ങള് നീക്കം ചെയ്യണം എന്നാവശ്യപ്പെട്ടുള്ള ഹര്ജിയും കോടതിയുടെ പരിഗണനയില് ഉണ്ട്.
പ്രതികരിക്കാൻ ഇവിടെ എഴുതുക