ഞായറാഴ്ച ത്രിപുര നിയമസഭയിലെ തിരഞ്ഞെടുപ്പ് നടക്കാനിരിക്കെ ബിജെപി പ്രവര്ത്തകര്ക്കു നേരെ ആക്രമണം നടന്നതായി റിപ്പോര്ട്ട്. ത്രിപുരയിലെ തെലിയമുറ മണ്ഡലത്തിലെ ചക്മാഘട്ടിലാണ് സംഭവം. സിപിഎം പ്രവര്ത്തകര് ആക്രമിച്ചതായാണ് ആരോപണം.
ആക്രമണത്തില് ബിജെപി പ്രവര്ത്തകന് നിര്മല് രുന്ദ്രാ പോളിന് ഗുരുതരമായി പരിക്കേറ്റുവെന്നും ഇയാളെ ആശുപത്രിയില് പ്രവേശിപ്പിച്ചിരിക്കികയാണെന്നും ബിജെപി അറിയിച്ചു. തിരഞ്ഞെടുപ്പില് ത്രിപുരയിലെ ജനങ്ങള് ഇതിന് മറുപടി നല്കുമെന്നും ബിജെപി കൂട്ടിച്ചേര്ത്തു.
ചക്മാഘട്ടിലെ ബിജെപി സ്ഥാനാര്ഥി കല്യാണി റോയിക്കൊപ്പം ഹോട്ടലില് എത്തിയപ്പോള് 15 സിപിഎം പ്രവര്ത്തകര് തങ്ങളെ ആക്രമിക്കുകയായിരുന്നുവെന്ന് ബിജെപി പ്രവര്ത്തകന് ബിക്രം മാധ്യമങ്ങളോട് പറഞ്ഞു.
പ്രതികരിക്കാൻ ഇവിടെ എഴുതുക