പാലക്കാട്: ആദിവാസി യുവാവ് മരിച്ച സംഭവത്തില് 15 പേര്ക്കെതിരെ വധശ്രമത്തിന് പൊലീസ് കേസെടുത്തു. മോഷണക്കുറ്റം ആരോപിച്ചായിരുന്നു മധു എന്ന യുവാവിനെ ആള്ക്കൂട്ടം മര്ദിച്ചത്. അസ്വഭാവിക മരണത്തിനാണ് കേസെടുത്തത്. മൃതദേഹം പോസ്റ്റുമോര്ട്ടത്തിനായി തൃശൂര് മെഡിക്കല് കോളെജിലേക്ക് കൊണ്ടു പോകും.
സ്റ്റേഷനിലേക്ക് കൊണ്ടുപോകും വഴി പൊലീസ് ജീപ്പില് വെച്ചായിരുന്നു മരണം. വാഹനത്തിനില് വെച്ച ഇടയ്ക്ക് രക്തം ചര്ദിച്ച മധു കുഴഞ്ഞു വീഴുകയായിരുന്നു. പൊലീസ് ഇയാളെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. ഇന്നലെ വൈകിട്ടു അട്ടപ്പാടി മുക്കാലില് വെച്ചാണ് മോഷണക്കുറ്റം ആരോപിച്ച് യുവാവിനെ നാട്ടുകാര് പിടികൂടിയത്. പ്രദേശത്ത് ഏറെ കാലമായി നടന്നു വരുന്ന മോഷണങ്ങള് മധുവാണ് നടത്തുന്നതെന്ന് ആരോപിച്ചായിരുന്നു നാട്ടുകാര് ഇയാളെ പിടികൂടിയത്.
ചോദ്യം ചെയ്ത ശേഷം യുവാവിനെ നാട്ടുകാര് മര്ദ്ദിച്ചതായാണ് ആരോപണം. തുടര്ന്ന് പൊലീസ് എത്തി മധുവിനെ അറസ്റ്റ് ചെയ്ത് കൊണ്ടുപോകുംവഴിയാണ് മരണം സംഭവിച്ചത്.
അതെ സമയം അട്ടപ്പാടിയില് ആദിവാസി യുവാവ് മര്ദ്ദനമേറ്റ് മരിച്ച സംഭവം അത്യന്തം അപലപനീയമാണെന്ന് മുഖ്യമന്ത്രി പിണറായി വിജയന്. കുറ്റവാളികള്ക്കെതിരെ കര്ശന നടപടിയെടുക്കുമെന്നും അതിനുള്ള നിര്ദേശം സംസ്ഥാന പൊലീസ് മേധാവിക്ക് നല്കിയിട്ടുണ്ടെന്നും അദ്ദേഹം പറഞ്ഞു.
ഇത്തരം ആക്രമങ്ങള് പരിഷ്കൃത സമൂഹത്തിന് യോജിച്ചതല്ല. ഒരുതരത്തിലും അംഗീകരിക്കാനുമാവില്ല. ഇതു പോലുള്ള സംഭവങ്ങള് കേരളത്തിലുണ്ടാവുക എന്നത് നാം നേടിയ സാമൂഹ്യസാംസ്കാരിക മുന്നേറ്റങ്ങളെയാകെ കളങ്കപ്പെടുത്തുന്നതാണ്.ആവര്ത്തിക്കാതിരിക്കാന് കര്ശന നടപടിയെടുക്കുമെന്നും മുഖ്യമന്ത്രി കൂട്ടിച്ചേര്ത്തു.
പ്രതികരിക്കാൻ ഇവിടെ എഴുതുക