മധുരമായ അനുഭൂതിയാണ് പ്രണയം. എന്നാൽ പ്രണയം നമ്മിലുണ്ടാക്കുന്ന മാനസിക ആഘാതങ്ങളുടെ ആഴവും അത്ര തന്നെ കൈപ്പേറിയതുമാണ്. പെട്ടെന്നുണ്ടാകുന്ന പ്രണയത്തകർച്ചകൾ ആരെയും മാനസികമായി തളർത്തും. എങ്ങനെ നീണ്ടു നില്ക്കുന്ന ഒരു പ്രണയത്തെ തിരിച്ചറിയാനാകും എന്നത് മിക്കവരും ആലോചിക്കുന്ന കാര്യമാണ്. നീണ്ടുനില്ക്കുന്ന പ്രണയങ്ങളെ തിരിച്ചറിയാന് സൈക്കോളജിസ്റ്റുകള് നിര്ദ്ദേശിക്കുന്ന മാര്ഗങ്ങളില് ഒന്നാണ് താഴെ പറയുന്ന ചോദ്യങ്ങള്. ഈ ചോദ്യങ്ങള് നിങ്ങളുടെ പ്രണയത്തെക്കുറിച്ചുള്ളവയാണ്. ശരി, തെറ്റ് എന്നിങ്ങനെ രണ്ട് ഉത്തരങ്ങളാണ് നിങ്ങള്ക്ക് ഈ ചോദ്യത്തിനു മറുപടിയായി നല്കാന് സാധിക്കുക.
1. നിങ്ങളെ നിങ്ങളായി തന്നെ അംഗീകരിക്കാന് ജീവിതപങ്കാളി തയ്യാറാണോ?
2. നിങ്ങളുടെ വികാരങ്ങള് പരസ്പരം പങ്കുവെക്കുന്നതിലും പരസ്പരം താങ്ങാകുന്നതിലും അടുത്ത് ഇടപഴകുന്നതിലും നിങ്ങള് തൃപ്തരും സന്തുഷ്ടരും ആണോ ?
3. നിങ്ങളുടെ കാമുകനോ, ജീവിതപങ്കാളിയോ ഒരു വ്യക്തി എന്ന നിലയില് നിങ്ങളെ മെച്ചപ്പെടുത്താന് സഹായിക്കുന്നുണ്ടോ, നിങ്ങള് തിരിച്ചും അവരെ സഹായിക്കാറുണ്ടോ ?
4. തര്ക്കങ്ങള് ഉണ്ടായാല് പരസ്പരം കൃത്യമായ ആശയവിനിമയത്തിലൂടെ അതു പരിഹരിക്കാന് ശ്രമിക്കാറുണ്ടോ ?
5. ജീവിതത്തിലെ കാര്യങ്ങളില് ഒരുമിച്ചു തീരുമാനം എടുക്കുന്നവരാണോ നിങ്ങള് ?
6. നിങ്ങളുടെ പങ്കാളിയുടെ ഉറ്റ സുഹൃത്താണോ നിങ്ങള് ?
7. ഞാന്, നീ എന്നിവയേക്കാള് നമ്മള്, നാം എന്ന വാക്കുകള് കൂടുതലായി ഉപയോഗിക്കുന്നവരാണോ നിങ്ങള് ?
8. ബാങ്ക് മുതല് സോഷ്യല് മീഡിയ വരെയുള്ളവരുടെ പാസ്വേര്ഡുകള് പരസ്പരം പങ്കുവെക്കുന്നവരോ അല്ലെങ്കില് വിശ്വാസത്തോടെ പെരുമാറുന്നവരോ ആണോ ?
9. നിങ്ങളെക്കുറിച്ച് നല്ലത് മാത്രമോ അല്ലെങ്കില് കുറ്റം മാത്രമോ പറയാതെ കാര്യങ്ങള് തുറന്ന് സംസാരിക്കുന്നയാളാണോ നിങ്ങളുടെ പങ്കാളി ?
10. നിങ്ങളുടെ ഉറ്റസുഹൃത്തുക്കളും പങ്കാളിയുടെ ഉറ്റസുഹൃത്തുക്കളും നിങ്ങളുടെ ബന്ധത്തെ കാണുന്നത് മനോഹരമായ ഒന്നായാണോ ?
11. അസൂയ , വഞ്ചന, അമിത നിയന്ത്രണം എന്നിങ്ങനെയുള്ള പ്രശ്നങ്ങള് ഇല്ലാതെ മുന്നോട്ട് പോകുന്ന ജീവിതമാണോ നിങ്ങളുടേത് ?
12. ലൈംഗികതയുടെ കാര്യത്തില് ഇരുവര്ക്കുമുള്ളത് സമാനതാല്പ്പര്യങ്ങളാണോ ?
ഈ ചോദ്യങ്ങള് ലോകപ്രശസ്ത മനശാസ്ത്ര ഗവേഷകന്മാരില് ഒരാളായ ഗാരി വെലന്ഡോവിസ്കിയാണ് തയ്യാറാക്കിയത്. ബന്ധങ്ങളെ കുറിച്ചുള്ള പഠനങ്ങളില് ശ്രദ്ധയൂന്നുന്ന ഗാരി നിരവധി ദമ്പതിമാരുമായുള്ള ഇടപഴകലിന് ശേഷമാണ് ഈ ചോദ്യങ്ങള് തയ്യാറാക്കിയത്.
പ്രതികരിക്കാൻ ഇവിടെ എഴുതുക