Home MOBILE വയർലെസ്സ് ചാർജിങ്ങുമായി ഷവോമിയുടെ പുത്തൻ മോഡൽ

വയർലെസ്സ് ചാർജിങ്ങുമായി ഷവോമിയുടെ പുത്തൻ മോഡൽ

അമ്പരിപ്പിക്കുന്ന വിലയിൽ ഷവോമി സ്മാർട്ട് ടിവി ഇറക്കിയതിനു പിന്നാലെ വയർലെസ്സ് ചാർജിങ് സൗകര്യമുള്ള ഫോണാണ് വിപണി കീഴടക്കാൻ എത്തുന്നത്. ഐ ഫോണ്‍ എക്​സിന്​ വെല്ലുവിളിയാവുന്ന ഫോണിൽ വയര്‍ലെസ്സ്​ ചാര്‍ജിങ്​ ഉള്‍​പ്പടെയുള്ള സംവിധാനങ്ങള്‍ ഉള്‍പ്പെടുത്തിയാണ്​ എം.​ഐ മിക്​സ്​ 2 എസ്​ വിപണിയിലെത്തുന്നത്​.

2 എസി​​ന്റെ 6 ജി.ബി റാമും 64 ജി.ബി സ്​റ്റോറേജും ഉള്‍പ്പെടുന്ന വേരിയന്‍റിന്​ ഏകദേശം 34,200 രൂപയാണ്​ വില. 6 ജി.ബി 128 ജി.ബി വേരിയന്‍റിന്​ 37,200 രൂപയായിരിക്കും വില. 8 ജി.ബി റാമും 256 ജി.ബി സ്​റ്റോറേജും ഉള്‍പ്പെടുന്ന ഉയര്‍ന്ന വേരിയന്‍റിന്​ 41,100 രൂപയുമാണ് വില പ്രതീക്ഷിക്കുന്നത് .

വയർലെസ്സ് ​ ചാര്‍ജറിന്​ ഏകദേശം 1000 രൂപയും അധികമായി നല്‍കണം. മാർച്ച് 27 നു മുതൽ ബുക്കിംഗ് ആരംഭിച്ച ഫോൺ ഏപ്രിൽ 3 മുതൽ വിതരണം ആരംഭിക്കും. മൈക്രോണി​​ന്‍റയും സോണിയുടെയും ലെന്‍സുകൾ ഉപയോഗിച്ചിട്ടുള്ള ക്യാമറയിൽ അഞ്ച്​ മെഗാപിക്​സലി​​ന്റെ മുന്‍ ക്യാമറയും 12 മെഗാ പിക്‌സൽ പിൻ ക്യാമറയുമാണ് ഉള്ളത്.

5.99 ഇഞ്ച്​ ഫുള്‍ എച്ച്‌​.ഡി ഡിസ്​പ്ലേയാവും ഫോണിനുണ്ടാവുക. 403 പി.പി.​ഐ യാണ്​ പിക്​സല്‍ ഡെന്‍സിറ്റി. സ്​നാപ്​ഡ്രാഗണ്‍ പ്രൊസസറാണ്​ കരുത്ത്​ നൽകുന്നത്. യു.എസ്​.ബി , ജി.പി.എസ്​,സി പോര്‍ട്ട്​ ,കണക്​ടിവിറ്റിക്കായി 4ജി എല്‍.ടി.ഇ, വൈ-ഫൈ,എന്‍.എഫ്​.സി, ബ്ല്യൂടുത്ത്​, എന്നിവയാണുള്ളത്​.

ഫിംഗര്‍പ്രിന്‍റ്​ സ്​കാനര്‍ ഉള്‍പ്പടെയുള്ള സൗകര്യങ്ങളും ഫോണിൽ 3400 എം.എ.എച്ച്‌​ ബാറ്ററിക്കൊപ്പം ക്യുക്ക്​ ചാര്‍ജ്​ 3.0യുടെ അതിവേഗ ചാര്‍ജിങ്​ സംവിധാനവുമുണ്ട്​. ചൈനീസ്​ വിപണിയിലാണ്​ ഷവോമി ഫോണ്‍ പുറത്തിറക്കിയിരിക്കുന്നത്​.