ഇന്ത്യന് പ്രീമിയര് ലീഗില് അഞ്ച് റണ്സ് വിജയവുമായി സണ്റൈസേഴ്സ്. ബൗളര്മാരുടെ മികവിലാണ് പതിനൊന്നാം സീസണിലെ പ്ലേഓഫിലേക്ക് കടക്കുന്ന ആദ്യ ടീമായി സണ്റൈസേഴ്സ് മാറിയത്. ടോസ് നഷ്ടമായി ആദ്യം ബാറ്റ് ചെയ്ത ഹൈദരാബാദ് 146 റണ്സെടുത്തിരുന്നു. എന്നാൽ ആദ്യം ബാറ്റ് ചെയ്ത സണ്റൈസേഴ്സ് ഉയര്ത്തിയ 147 റണ്സെന്ന ലക്ഷ്യം പിന്തുടര്ന്ന ബാംഗ്ലൂര് ഇന്നിംഗ്സ് 141 റണ്സിലൊതുക്കി.
തുടർന്ന് അവസാന പന്തില് ആറ് റണ്സ് വേണമെന്ന അവസ്ഥയിലായിരുന്നു ബാംഗ്ലൂര്. എന്നാല് പുറം തിരിഞ്ഞൊരു ഷോട്ടിന് ശ്രമിച്ച കോളില് ഡി ഗ്രാന്ഡ്ഹോമിനെ ബൗള്ഡാക്കി ഭുവനേശ്വര് കുമാര് ടീമിന് എട്ടാം ജയം നല്കുകയായിരുന്നു.
ബാറ്റിങില് ഹൈദരാബാദ് പതറിയെങ്കിലും ബൗളിംഗില് മികച്ച പ്രകടനം കാഴ്ചവെച്ച ബൗളര്മാരാണ് ഹൈദരാബാദിന് വിജയം സമ്മാനിച്ചത്.
Also Read: പൊടിക്കാറ്റിൽ ഒരാള് മരിച്ചു; സ്കൂളുകള്ക്ക് ഇന്ന് അവധി
പ്രതികരിക്കാൻ ഇവിടെ എഴുതുക