തമിഴ് ചിത്രം ‘മാരി 2’വിന്റെ ക്ലൈമാക്സ് ചിത്രീകരണത്തിനിടെ നായകന് ധനുഷിന് പരിക്കേറ്റു. വലത് കാലിന്റെ മുട്ടിനും ഇടത് കൈക്കുമാണ് പരിക്ക്. വില്ലനായി അഭിനയിക്കുന്ന മലയാളി താരം ടോവിനോ തോമസും തമ്മിലുള്ള സംഘട്ടന രംഗം ചിത്രീകരിക്കുന്നതിനിടെയായിരുന്നു ധനുഷിന് പരിക്കേറ്റത്. പരിക്കിനെ തുടര്ന്ന് കഠിനമായ വേദന അനുഭവപ്പെട്ടെങ്കിലും സംഘട്ടനം ചിത്രീകരിച്ചതിന് ശേഷമാണ് ധനുഷ് ഷൂട്ടിംഗ് അവസാനിപ്പിച്ചത്.
എന്നാൽ ഗുരുതര പരിക്കുകളൊന്നുമില്ലെന്നും സുഖമായിരിക്കുകയാണെന്നും താരം ട്വിറ്ററിലൂടെ ആരാധകരെ അറിയിച്ചു. തനിക്ക് വേണ്ടി പ്രാര്ഥിക്കുകയും വളരെ അധികം സ്നേഹം കാണിക്കുകയും ചെയ്ത ആരാധകര്ക്ക് താരം നന്ദിയും പറഞ്ഞു.
ധനുഷും സംവിധായകന് ബാലാജി മോഹനും ഒന്നിക്കുന്ന രണ്ടാമത്തെ ചിത്രമായ മാരി 2ല് സായി പല്ലവിയാണ് നായിക.
ഞങ്ങള്ക്കെതിരെയുള്ള മത്സരത്തിലും മെസ്സിക്ക് പരാജയമായിരിക്കും; നൈജീരിയന് താരം
പ്രതികരിക്കാൻ ഇവിടെ എഴുതുക