സാമൂഹിക വിപ്ലവത്തിലൂടെ ഒരു ജനതയെ സന്മാര്ഗത്തിലേക്ക് നയിച്ച സാമൂഹിക പരിവര്ത്തകനും, നവോത്ഥാനനായകനും ആയിരുന്ന ശ്രീനാരായണ ഗുരുവിന്റെ 164ാം പിറന്നാള് ദിനത്തിന് ആഘോഷങ്ങളില്ല. പ്രളയം നാശം വിതച്ച കേരളം ദുരിതത്തില് കഴിയുന്നതിനാല് അധികം ആഘോഷങ്ങള് ഇത്തവണ നടത്തില്ല.
കേരളത്തിലെ ജാതി വ്യവസ്ഥയെ ചോദ്യം ചെയ്ത നാരായണഗുരു സവര്ണ്ണമേധാവിത്വത്തിനും സമൂഹ തിന്മകള്ക്കും എതിരെ കേരളത്തിലെ താഴ്ന്ന ജാതിക്കാര്ക്ക് പുതിയമുഖം നല്കി. ഒരു ജാതി ഒരു മതം ഒരു ദൈവം മനുഷ്യന്, ഇതായിരുന്നു അദ്ദേഹത്തിന്റെ ആദര്ശവും ജീവിതലക്ഷ്യവും.
തന്റെ സാമൂഹിക പരിഷ്കാരങ്ങള് പ്രചരിപ്പിക്കാനായി ഡോ. പല്പുവിന്റെ പ്രേരണയാല് അദ്ദേഹം 1903-ല് ശ്രീ നാരായണ ധര്മ്മ പരിപാലന യോഗം സ്ഥാപിച്ചു. കേരളത്തില് നിലനിന്നിരുന്ന സവര്ണ മേല്ക്കോയ്മ, തൊട്ടുകൂടായ്മ, തീണ്ടിക്കൂടായ്മ തുടങ്ങിയ ശാപങ്ങള്ക്കെതിരെ അദ്ദേഹം പ്രവര്ത്തിച്ചു.
പ്രതികരിക്കാൻ ഇവിടെ എഴുതുക