ശബരിമല കയറാനുള്ള തീരുമാനത്തില് നിന്ന് പിന്നോട്ട് ഇല്ലെന്ന് കണ്ണൂര് സ്വദേശിനി രേഷ്മ നിഷാന്ത്. ഫേസ്ബുക്കിലൂടെ ഇന്നലെയാണ് രേഷ്മ മല ചവിട്ടുന്നതിനെ കുറിച്ച് പറഞ്ഞത്. മുഴുവൻ ആചാര വിധികളോടും കൂടി തന്നെ, മാലയിട്ട്, 41 ദിവസം വ്രതം അനുഷ്ഠിച്ച്, മത്സ്യ മാംസാദികൾ വെടിഞ്ഞ്, ഭർതൃ സാമീപ്യത്തിൽ നിന്നകന്ന് നിന്ന്, അയ്യപ്പനെ ധ്യാനിച്ച്, ഈശ്വര ചിന്തകൾ മാത്രം മനസിൽ നിറച്ച്, ഇരുമുടികെട്ടു നിറച്ച് മലയ്ക്ക് പോകും.
ആർത്തവത്തെക്കുറിച്ച് ആശങ്കപ്പെടുന്നവരോട് അത് മലമൂത്രവിസർജ്യവും വിയർപ്പും പോലെ ശരീരത്തിൽ ആവശ്യമില്ലാത്തത് പുറംതള്ളൽ മാത്രമാണെന്നും രേഷ്മ ഫേസ്ബുക്കിൽ കുറിച്ചിരുന്നു.
ഈ പോസ്റ്റ് വൈറൽ ആയതോടെയാണ് ഭീഷണിയുമായി അയ്യപ്പഭക്തരെന്ന് തോന്നിക്കുന്ന വലിയ ആള്ക്കൂട്ടം വീടിനു മുന്നിൽ ബഹളം ഉണ്ടാക്കുകയും ഭീഷണി മുഴക്കുകയും ചെയ്തത്. വലിയ പിന്തുണയാണ് ജനങ്ങളിൽ നിന്ന് ലഭിക്കുന്നത്. കൂടുതൽ വനിതകൾ മല ചവിട്ടാൻ എത്തുമെന്നാണ് പ്രതീക്ഷിക്കുന്നത്.
ഭീഷണികളെ ഭയക്കുന്നില്ലെന്നും രേഷ്മ വ്യക്തമാക്കി. അയ്യപ്പനെ കാണാനാവില്ലെന്ന അറിവോടെ തന്നെ ഇത്രകാലവും മണ്ഡലകാലവ്രതം അനുഷ്ഠിച്ചുവെന്നും ഇപ്പോൾ സുപ്രീംകോടതി വിധിയുടെ പശ്ചാത്തലത്തിൽ അയ്യപ്പനെ കാണാൻ അതിയായ ആഗ്രഹമുണ്ടെന്നും രേഷ്മ വ്യക്തമാക്കി.
പ്രതികരിക്കാൻ ഇവിടെ എഴുതുക