ആർത്തവദിനത്തിൽ ക്ഷേത്രത്തിൽ പോകാൻ തോന്നിയാൽ പോവുക തന്നെ ചെയ്യുമെന്ന് വെളിപ്പെടുത്തി നടി പാർവതി തിരുവോത്ത്. ഒരു ദേശീയ മാധ്യമത്തിന് നൽകിയ അഭിമുഖത്തിലാണ് പാർവതി തന്റെ നിലപാട് വ്യക്തമാക്കിയത്. ആര്ത്തവം അശുദ്ധിയാണെന്ന് വിശ്വസിക്കുന്നില്ലെന്നും ആര്ത്തവത്തിന്റെ പേരിലുള്ള സ്ത്രീകള്ക്കെതിരായ വിവേചനം അധികകാലം തുടരാനാവില്ലെന്നും പാർവതി പറഞ്ഞു.
ആര്ത്തവം അശുദ്ധിയെന്ന് പ്രചരിപ്പിക്കുന്നവര് പുരുഷ മേധാവിത്വം അടിച്ചേല്പ്പിച്ച പ്രവണതകളില് കുടുങ്ങി കിടക്കുന്നവരാണ്. ആര്ത്തവമുളള സ്ത്രീ മാറ്റി നിര്ത്തപ്പെടണ്ടവളാണോ എന്ന ചിന്ത കാലങ്ങളായി തന്നെ അലോസരപ്പെടുത്തുന്ന ഒന്നാണ്.
ഈ ആഭിപ്രായത്തിന്റെ പേരില് ചിലപ്പോള് താന് ക്രൂശിക്കപ്പെട്ടേക്കാം. എന്നാലും തന്റെ നിലപാട് ശബരിമല സ്ത്രീപ്രേശനം സംബന്ധിച്ച് സുപ്രീം കോടതി വിധിയോടൊപ്പമാണെന്നും പാര്വതി അഭിമുഖത്തില് വ്യക്തമാക്കുന്നു.
പ്രതികരിക്കാൻ ഇവിടെ എഴുതുക