വോട്ടെണ്ണല് അവസാന ഘട്ടത്തിലേക്ക് എത്തുമ്പോൾ രാജസ്ഥാനിലും മധ്യപ്രദേശിലും ഛത്തീസ്ഗഢിലും ബിജെപിക്ക് ഭരണം നഷ്ടമായി. മധ്യപ്രദേശില് കേവല ഭൂരിപക്ഷവുമായി കോണ്ഗ്രസ് അധികാരത്തിലേക്ക് കടക്കുകയാണ്. കോണ്ഗ്രസ് 116 സീറ്റിലും ബിജെപി 99ലും ബിഎസ്പി ഏഴിലും മറ്റുള്ളവര് എട്ട് സീറ്റിലും മുന്നിലാണ്.
രാജസ്ഥാനില് കടുത്ത ഭരണവിരുദ്ധ വികാരത്തില് ബിജെപി അടിപതറി. ഇവിടെ കോണ്ഗ്രസ് അധികാരത്തിലെത്തുമെന്നാണ് സൂചനകള്. വോട്ടെണ്ണല് നടക്കുന്ന 199ല് കോണ്ഗ്രസ് 96ലും ബിജെപി 85ലും സിപിഐഎം രണ്ടിലും ബിഎസ്പി മൂന്നിലും മറ്റുള്ളവര് 13ലും മുന്നിലാണ്.
തെലങ്കാനയില് ടിആര്എസ് ഭരണം നിലനിര്ത്തും. ടിആര്എസിന് 93ഉം കോണ്ഗ്രസിന് 17ഉം. മിസോറാമില് ഭരണത്തിലിരുന്ന കോണ്ഗ്രസിനെ പിന്തള്ളി എംഎന്എഫ് മുന്നേറി. ആകെ 40 സീറ്റില് എംഎന്എഫ് 27 സീറ്റിലും കോണ്ഗ്രസ് എട്ടിലും മറ്റുള്ളവര് അഞ്ചിടത്തും മുന്നിലാണ്.
ഇവിടെ എംഎന്എഫ് അധികാരത്തിലെത്തും. മിസോറാമില് ബിജെപിക്ക് സീറ്റൊന്നും ഇല്ല.ഛത്തീസ്ഗഢിലും കനത്തപരാജയത്തിലേക്കാണ് ബിജെപി നിങ്ങുന്നത്. ആകെ 90 സീറ്റില് 57ലും കോണ്ഗ്രസ് മുന്നിലാണ്. 26 ഇടത്താണ് ബിജെപി മുന്നിലുള്ളത്. മറ്റുള്ളവര് ഏഴിടത്ത് ലീഡ് ചെയ്യുന്നു. കേവലഭൂരിപക്ഷം നേടിയ ഇവിടെ കോണ്ഗ്രസ് അധികാരത്തിലെത്തും.രാജസ്ഥാനിലും മധ്യപ്രദേശിലും കടുത്ത ഭരണവിരുദ്ധവികാരമാണ് ബിജെപിക്ക് നേരിടേണ്ടിവന്നത്.
പ്രതികരിക്കാൻ ഇവിടെ എഴുതുക