തന്റെ ജീവിതത്തിൽ ഏറ്റവും വേദനിപ്പിച്ച പ്രതികരണം ഉണ്ടായിട്ടുള്ളത് നടൻ ശ്രീനിവാസനിൽ നിന്നുമാണെന്ന് തുറന്നു പറഞ്ഞ് നിർമ്മാതാവ് ആന്റണി പെരുമ്പാവൂർ. മനോരമയ്ക്ക് നൽകിയ അഭിമുഖത്തിലാണ് ആന്റണി മനസ്സ് തുറന്നത്. മോഹന്ലാലിനെ കളിയാക്കിയുള്ളതാണെന്ന് അറിഞ്ഞും, മോഹന്ലാല് അഭിനയിച്ച ചിത്രമായിരുന്നു ഉദയനാണ് താരം വിജയിച്ചതോടെ വളരെമോശമായി വീണ്ടുമൊരു തിരക്കഥയെഴുതി ശ്രീനിവാസന് ഇതിന്റെ രണ്ടാം ഭാഗം ഇറക്കി. ഇത് ചോദിച്ചപ്പോള് താന് ഭീഷണിപ്പെടുത്തി എന്നുവരെ ചാനലുകളില് വന്നിരുന്ന് ശ്രീനിവാസന് പറഞ്ഞുവെന്ന് ആന്റണി പെരുമ്പാവൂർ പറയുന്നു.
അഭിമുഖത്തിന്റെ പ്രസക്ത ഭാഗങ്ങൾ
‘ലാല് സാറിനെ കളിയാക്കിക്കൊണ്ടു ശ്രീനിവാസന് എഴുതിയ സിനിമയില് ലാല് സാര് അഭിനയിച്ചു. ഒരെതിര്പ്പും അദ്ദേഹം പ്രകടിപ്പിച്ചില്ല. എന്തെങ്കിലും വെട്ടിമാറ്റണമെന്നോ അഭിനയിക്കാന് പറ്റില്ലെന്നോ പറഞ്ഞില്ല. ആ സിനിമ നല്ല സിനിമയായിരുന്നു. അതു വിജയിച്ചതോടെ വളരെ മോശമായി വീണ്ടുമൊരു തിരക്കഥയെഴുതി. അതില് ശ്രീനിവാസന്തന്നെ നായകനായി അഭിനയിച്ചു. ഷൂട്ടിംഗിനിടയില് ഇതേക്കുറിച്ചു കേട്ടപ്പോള് ഞാന് ക്യാമറാമാന് എസ്.കുമാറിനെയും സംവിധായകനെയും വിളിച്ചു. കുമാറുമായി എനിക്കും ലാല് സാറിനും എത്രയോ കാലത്തെ അടുത്ത ബന്ധമുണ്ട്.
അന്നു വൈകീട്ട് ശ്രീനിവാസന് ചാനലുകളിലെത്തി ആന്റണി പെരുമ്ബാവൂര് ഭീഷണിപ്പെടുത്തിയെന്നു പറഞ്ഞുകൊണ്ടിരുന്നു. എന്റെപേരുപോലും ഉച്ചരിക്കാനാകില്ല എന്നൊക്കെയാണ് പറഞ്ഞത്. ഫാന്സ് അസോസിയേഷന് മാഫിയ എന്നെല്ലാം അധിക്ഷേപിച്ചു. 30 കൊല്ലത്തോളമായുള്ള അടുപ്പമാണ്. ആരെങ്കിലും എന്തെങ്കിലും പറയുന്നതുകേട്ടാല് ‘ആന്റണീ ,ഈകേട്ടതു ശരിയാണോ’ എന്നുചോദിക്കുന്നതിനു പകരം ഭീഷണിപ്പെടുത്തിയെന്നു പറഞ്ഞതു എന്തിനാണെന്നു മനസിലാകുന്നില്ല.
ഞാന് ശ്രീനിവാസനെ വിളിക്കാറില്ല, വിളിച്ചിട്ടുമില്ല. ഇതുപോലെ ഒരാളും എന്നെവേദനിപ്പിച്ചിട്ടില്ല. കഴിഞ്ഞുപോയതു പറഞ്ഞിട്ടുകാര്യമില്ല. ആ സിനിമ വിജയിച്ചിരുന്നുവെങ്കില് അതെങ്കിലുമുണ്ടായേനെ. അതുമുണ്ടായില്ല’
പ്രതികരിക്കാൻ ഇവിടെ എഴുതുക