സ്വര്ണവില സര്വ്വകാല റെക്കോര്ഡിൽ. പവന് 200 രൂപ കൂടി 24600 രൂപയായി. ഒരു ഗ്രാം സ്വര്ണത്തിന് 3075 രൂപയാണ് ഇന്നത്തെ വില. കഴിഞ്ഞ 4 ദിവസമായി 24400 രൂപയായിരുന്നു ഒരു പവന് സ്വര്ണത്തിന്റെ വില.
വിവാഹ ഉത്സവ സീസണ് ആയതും വിപണിയില് സ്വര്ണത്തിന് ആവശ്യക്കാര് കൂടിയതുമാണ് വിലക്കയറ്റത്തിന് കാരണമാകുന്നത്.എന്നാല് രൂപയുടെ മൂല്യം തുടര്ച്ചയായി ഇടിയുന്നതാണ് സ്വര്ണത്തിന് തിരിച്ചടിയാകുന്നത്.
71 രൂപയ്ക്ക് മുകളിലാണ് കഴിഞ്ഞ കുറച്ചുദിവസങ്ങളായി ഡോളറിനെതിരെ രൂപയുടെ മൂല്യം.അന്താരാഷ്ട്രവിപണിയില് 31 ഗ്രാം ട്രോയ് ഔണ്സ് സ്വര്ണത്തിന് 1313 ഡോളര് എന്ന നിരക്കിലാണ്. അതോടൊപ്പം രാജ്യത്തെ സ്വര്ണഇറക്കുമതിയും ഗണ്യമായി കുറഞ്ഞിട്ടുണ്ട്.
മുന്വര്ഷങ്ങളില് 1000 ടണ് വരെ ഇറക്കുമതിയുണ്ടായിരുന്ന സ്വര്ണം ഇപ്പോള് 750 മുതല് 800 ടണ് വരെ ആയി കുറഞ്ഞിട്ടുണ്ട്. ഈ വര്ഷം അവസാനത്തോടെ അന്താരാഷ്ട്രവിപണിയില് സ്വര്ണവില 1400 ഡോളര് കടക്കുമെന്നാണ് പ്രവചനം.
പ്രതികരിക്കാൻ ഇവിടെ എഴുതുക