സ്ത്രീകളുടെ ശബരിമല എന്നറിയപ്പെടുന്ന ആറ്റുകാൽ ദേവീക്ഷേത്രത്തിലെ ഈ വർഷത്തെ പൊങ്കാല മഹോത്സാവത്തിലെ കലാപരിപാടികളുടെ ഉത്ഘാടനം നടൻ മമ്മൂട്ടി നിർവ്വഹിച്ചു. ഇന്നലെ വൈകിട്ട് ആറരയോടെ ക്ഷേത്രസന്നിധിയിലെത്തിയ മമ്മൂട്ടി ഈ അടുത്ത കാലത്തൊന്നും ഇത്രയും വലിയൊരു ജനസമൂഹത്തെ അഭിമുഖീകരിച്ചിട്ടില്ലെന്നും ടി വിയിലൂടെയും വാർത്തകളിലൂടെയും മാത്രം കേട്ട് പരിചയിച്ച ഉത്സവം നേരിൽ കാണാൻ കഴിഞ്ഞതിൽ സന്തോഷം ഉണ്ടെന്നും മമ്മൂട്ടി പറഞ്ഞു.
‘ടെലിവിഷന് ചാനലുകളില് ഇതുമായി ബന്ധപ്പെട്ട വാര്ത്തകള് കാണാറുണ്ടെങ്കിലും ആറ്റുകാല് പൊങ്കാലയെക്കുറിച്ച് തനിക്ക് കേട്ടറിവേയുള്ളൂവെന്ന് മമ്മൂട്ടി പറഞ്ഞു. ഇത്രയും വലിയ ജനസമൂഹത്തെ ഈ അടുത്തകാലത്തൊന്നും ഞാന് അഭിസംബോധന ചെയ്തിട്ടില്ല. വളരെ സന്തോഷത്തോടുകൂടിയാണ് ഈ പരിപാടി ഉദ്ഘാടനം ചെയ്യാമെന്ന് ഏറ്റത്. കാരണം എന്റെ ചലച്ചിത്രജീവിതത്തിന്റെ ആരംഭകാലത്ത് ഈ റോഡുകളിലും വഴികളിലും ക്ഷേത്രനടകളിലുമൊക്കെ സിനിമ ഷൂട്ട് ചെയ്ത് നടന്നിട്ടുണ്ട്’- മമ്മൂട്ടി പറഞ്ഞു.
1981ല് മുന്നേറ്റം എന്ന സിനിമ ഷൂട്ട് ചെയ്തത് ഇവിടെയാണ്. തിരുവനന്തപുരത്ത് താന് അധികം വരാറില്ലെന്നും അദ്ദേഹം പറഞ്ഞു. ‘എന്നെ ഇവിടേക്ക് ക്ഷണിച്ചതില് ഒരുപാട് നന്ദി. ഇതുപോലെ ഒരേയൊരു ലക്ഷ്യത്തിലേക്ക് ആഗ്രഹത്തിലേക്ക് ഇത്രയും ആളുകള് കൂടുകയും മനസ്സു നിറഞ്ഞ് ദേവിയെ അല്ലെങ്കില് ദൈവത്തിനോട് പ്രാര്ത്ഥിക്കുകയും ചെയ്യുന്ന ഒരു അവസരം എന്ന് പറയുമ്ബോള്, ഏത് ദൈവമാണ് നിങ്ങളെ അനുഗ്രഹിക്കാത്തത്.’
‘എല്ലാം മറന്ന് പരസ്പരം സ്നേഹം മാത്രം പങ്കിടുന്ന മനോഹര നിമിഷങ്ങളാണിത്. ഞാനും നിങ്ങളും കൂടിച്ചേരുന്ന ഈ നിമിഷം ഒരുപാട് നല്ല സന്ദേശങ്ങള് പരത്തട്ടേയെന്ന് ഞാനാഗ്രഹിക്കുന്നു. മനുഷ്യന്റെ പരസ്പര സ്നേഹത്തിന്റേയും പരസ്പര വിശ്വാസത്തിന്റേയും നിമിഷങ്ങളായി ഇതുമാറട്ടെ. ഒന്നിന്റേയും അതിര്വരമ്ബുകളില്ലാതെ മനുഷ്യന് പരസ്പരം സ്നേഹിക്കുന്ന ഒരു നല്ല നാളുകള് ഉണ്ടാകട്ടെ.’
‘എല്ലാ കലകളുടെയും ഉറവിടം ക്ഷേത്രങ്ങളാണെന്ന് പറയാറുണ്ട്. ക്ഷേത്രകലകള് എന്ന കലാവിഭാഗം പോലും നമുക്കുണ്ട്. ഈ ക്ഷേത്രമുറ്റത്താണ് പല കലാകാരന്മാരും ഉണ്ടായിട്ടുള്ളത്. അതുപോലെ തന്നെ ഈ ക്ഷേത്രത്തിന്റെ മുറ്റത്താണ് കലാകാരനെന്ന് ആഗ്രഹിക്കുന്ന ഞാനും നില്ക്കുന്നത്.
‘കഴിഞ്ഞ 38 വര്ഷങ്ങളായി പല രൂപത്തിലും പല ഭാവത്തിലും എന്നെ കാണുകയും സ്നേഹിക്കുകയും ചെയ്യുന്ന നിങ്ങളോട് എന്തുപറയാനാണ്. ഈ സ്നേഹം തന്നെയാണ് എനിക്കും തിരിച്ചുള്ളത്. പരസ്പം സ്നേഹിച്ച് ജീവിക്കുന്ന മനുഷ്യരാണ് ദീര്ഘകാലം ജീവിച്ചുപോകുന്നത്. നിങ്ങളുടെ എല്ലാ പ്രാര്ഥനകളും സഫലമാകട്ടെ.’- മമ്മൂട്ടി പറഞ്ഞവസാനിപ്പിച്ചു.
പ്രതികരിക്കാൻ ഇവിടെ എഴുതുക