കൊച്ചി: സാരമായി പരിക്കേറ്റതിനെ തുടർന്ന് പരിക്കുകളോടെ ആലുവയിലെ രാജഗിരി ആശുപത്രിയില് പ്രവേശിപ്പിച്ച മൂന്ന് വയസ്സുകാരന്റെ നില അതീവ ഗുരുതരം. കുട്ടിയെ ശസ്ത്രക്രിയക്ക് വിധേയമാക്കി. ആദ്യം ആശുപത്രി മാറ്റാൻ ബന്ധുക്കൾ ആവശ്യപ്പെട്ടെങ്കിലും അത് പ്രായോഗികല്ലെന്ന് ബോധ്യപ്പെടുത്തുകയായിരുന്നു. വീടിന്റെ ടെറസില് നിന്ന് വീണാണ് കുഞ്ഞിന് പരിക്കേറ്റതെന്നാണ് ആശുപത്രിയിലെത്തിച്ച മാതാപിതാക്കള് പറയുന്നത്.
എന്നാല് പരിശോധനയില് കുട്ടിക്ക് ക്രൂരമായ പീഡനമേറ്റതായി കണ്ടെത്തിയിട്ടുണ്ട്. കുഞ്ഞിന്റെ പൃഷ്ഠ ഭാഗത്ത് പൊള്ളലേറ്റ പാടുകളുണ്ട്. കാലുകളില് മുറിവേറ്റ പാടുകളുമുണ്ടായിരുന്നു. ഇതോടെ ആശുപത്രി അധികൃതര് പൊലീസിനേയും ചൈല്ഡ് ലൈന് ഉദ്യോഗസ്ഥരേയും വിളിച്ചു വരുത്തി. അതേസമയം പൊലീസ് കുട്ടിയുടെ അച്ഛനെ ചോദ്യം ചെയ്ത് വരികയാണ്. എറണാകുളത്ത് താമസിക്കുന്ന പശ്ചിമ ബംഗാള് സ്വദേശിയായ മൂന്ന് വയസുകാരനെയാണ് തലയ്ക്ക് പരിക്കേറ്റ് അതീവ ഗുരുതരാവസ്ഥയില് വൈകീട്ടോടെ ആശുപത്രിയില് പ്രവേശിപ്പിച്ചത്.
പ്രതികരിക്കാൻ ഇവിടെ എഴുതുക