മോസ്കോയിൽ വിമാനത്തിന് തീ പിടിച്ച് 41 മരണം. മോസ്കോയിൽ നിന്നും റഷ്യയുടെ വടക്ക് പടിഞ്ഞാറൻ നഗരമായ മർമാൻസ്കിലേക്ക് പോകുകയായിരുന്ന റഷ്യന് നിര്മിത സുഖോയ് സൂപ്പര്ജെറ്റ്-100 വിമാനമാണ് അപകടത്തിൽപ്പെട്ടത്. പ്രാദേശിക സമയം വൈകുന്നേരം 5:50 ന് അപകടം നടന്നത്.
പറന്നുയർന്ന ഉടൻ സിഗ്നൽ തകരാറിനെത്തുടർന്ന് വിമാനം തിരിച്ചിറക്കിയെങ്കിലും തീ പിടിക്കുകയായിരുന്നു. വിമാനം ലാന്ഡ് ചെയ്ത ഉടന് തന്നെ യാത്രക്കാരെ എമര്ജന്സി വാതിലിലൂടെ രക്ഷപ്പെടുത്താനായതാണ് അപകടത്തിന്റെ വ്യാപ്തി കുറച്ചത്. വിമാനത്തിൽ 78 യാത്രക്കാരും 5 ജീവനക്കാരുമാണ് ഉണ്ടായിരുന്നത്. മരിച്ചവരിൽ വിമാനത്തിലെ ജീവനക്കാരും രണ്ട് കുട്ടികളും ഉൾപ്പെടുന്നു. പൊള്ളലേറ്റതിൽ പലരുടെയും നില ഗുരുതരമായതിനാൽ മരണസംഖ്യ ഇനിയും ഉയരാനാണ് സാധ്യത.
അപകടത്തിന്റെ കാരണം വ്യക്തമായിട്ടില്ല. അപകടത്തിൽ റഷ്യൻ പ്രസിഡന്റ് വള്ഡിമർ പുചിൻ അനുശോചനം രേഖപ്പെടുത്തി. മരിച്ചവരുടെ കുടുംബങ്ങൾക്ക് സർക്കാർ ധനസഹായംപ്രഖ്യാപിച്ചിട്ടുണ്ട്. പൊള്ളലേറ്റവരുടെ ചികിത്സ സർക്കാർ വഹിക്കുമെന്ന് പുചിൻ അറിയിച്ചു.
പ്രതികരിക്കാൻ ഇവിടെ എഴുതുക