തിരുവനന്തപുരം: പേട്ട പുളിനെയിലില് വൈദ്യുതാഘാതമേറ്റ് രണ്ട് വഴിയാത്രക്കാര് മരിച്ചു. ഇന്ന് രാവിലെയായിരുന്നു അപകടം നടന്നത്. പേട്ട സ്വദേശികളായ രാധാകൃഷ്ണന്, പ്രസന്നകുമാരി എന്നിവരാണ് മരിച്ചത്.
വെള്ളക്കെട്ടിൽ വൈദ്യുതി ലൈന് പൊട്ടി വീണതാണ് അപടത്തിന് കാരണമെന്നാണ് പ്രാഥമിക നിഗമനം. പത്ര വിതരണം നടത്തുന്ന ആളാണ് രണ്ടു പേര് ഷോക്കേറ്റ് കിടക്കുന്നത് കണ്ടത്. തുടര്ന്ന് നാട്ടുകാരെ അറിയിക്കുകയും നാട്ടുകാർ ഷോക്കേറ്റ രണ്ടു പേരേയും ആശുപത്രിയിലെത്തിച്ചെങ്കിലും അപ്പോഴേക്കും ഇരുവരും മരിച്ചിരുന്നു.
മഴയില് വിവിധയിടങ്ങള് വെള്ളക്കെട്ടുകള് രൂപപ്പെട്ടിട്ടുണ്ട്. കാലവര്ഷം ശക്തമായതോടെ വൈദ്യുതോപകരണങ്ങള് പ്രവര്ത്തിപ്പിക്കുമ്പോള് ജാഗ്രത പാലിക്കണമെന്ന് ഇലക്ട്രിസിറ്റി ബോര്ഡ് മുന്നറിയിപ്പ് നല്കിയിട്ടുണ്ട്.
പ്രതികരിക്കാൻ ഇവിടെ എഴുതുക