ന്യൂഡല്ഹി: ഷാങ്ഹായ് ഉച്ചകോടിയോടനുബന്ധിച്ച് ചൈനീസ് പ്രസിഡന്റ് ഷി ജിൻ പിങ്ങുമായി പ്രധാന മന്ത്രി നരേന്ദ്ര മോദി നടത്തിയ കൂടിക്കാഴ്ചയിൽ ഇന്ത്യ സന്ദര്ശിക്കാൻ പിങ് താത്പര്യം പ്രകടിപ്പിച്ചു. ഈ വര്ഷം തന്നെ ചൈനീസ് പ്രസിഡന്റിന്റെ സന്ദര്ശനമുണ്ടാകും. ഉടന്തന്നെ ഇരു രാജ്യങ്ങളും ഇതിനുള്ള തയ്യാറെടുപ്പ് ആരംഭിക്കുമെന്നും വിദേശകാര്യ സെക്രട്ടറി വിജയ് കേശവ് ഗോഖലെ പറഞ്ഞു.
കഴിഞ്ഞ വര്ഷം ഏപ്രില് മാസത്തിലാണ് ചൈനയിലെ വുഹാനില് പ്രധാനമന്ത്രി മോദിയും ഷി ജിന്പിങ്ങും തമ്മില് ആദ്യത്തെ അനൗദ്യോഗിക ഉച്ചകോടി നടന്നത്. ഇത് വലിയ വിജയമായിരുന്നു. മോദിയുടെ ക്ഷണിച്ചതിനെ തുടര്ന്ന് ഇന്ത്യയിലേയ്ക്ക് വരുമെന്ന് ഷി ജിന്പിങ് അന്നുതന്നെ വ്യക്തമാക്കിയിരുന്നു.
ഷാങ്ഹായ് കോര്പ്പറേഷന് ഓര്ഗനൈസേഷന് ഉച്ചകോടിയില് പങ്കെടുക്കാനായി ഇന്നാണ് പ്രധാനമന്ത്രി നരേന്ദ്ര മോദി കിര്ഗിസ്താന് തലസ്ഥാനമായ ബിഷ്കെകില് എത്തിയത്.
പ്രതികരിക്കാൻ ഇവിടെ എഴുതുക