തിരുവനന്തപുരം: മരണശേഷം ശരീരത്തില് ഒരു പൂവ് പോലും വയ്ക്കരുതെന്നും മതപരമായ ചടങ്ങുകളും സര്ക്കാരിന്റെ ഔദ്യോഗിക ആദരവും വേണ്ടെന്ന് കവയത്രി സുഗതകുമാരി. മരണാനന്തരം എത്രയും വേഗം ശാന്തികവാടത്തില് ദഹിപ്പിക്കണമെന്നുമായിരുന്നു മാതൃഭൂമിക്ക് നൽകിയ അഭിമുഖത്തിൽ സുഗതകുമാരി വ്യക്തമാക്കിയത്.
മരിച്ചശേഷം റീത്തുകളും പുഷ്പചക്രങ്ങളുമായി പതിനായിരക്കണക്കിനു രൂപയുടെ പൂക്കളാണ് മൃതദേഹത്തില് മൂടുന്നതെന്ന് ചുണ്ടികാട്ടിയ അവര് അത്തരം ശവപുഷ്പങ്ങള് എന്റെ ദേഹത്ത് വയ്ക്കുന്നത് ഇഷ്ടമല്ലെന്നും വ്യക്തമാക്കിയിരുന്നു.
ജീവിച്ചിരിക്കുമ്പോഴാണ് ഇത്തരത്തില് സ്നേഹം കാട്ടേണ്ടതെന്നും അങ്ങനെയുള്ള ഇത്തിരി സ്നേഹം മാത്രംമതിയെന്നും സുഗതകുമാരി വിവരിച്ചു. കൂടാതെ മരണാനന്തരം എന്തൊക്കെ ചെയ്യണമെന്ന് ഒസ്യത്തില് എഴുതിവെച്ചിട്ടുണ്ടെന്നും വിശദീകരിച്ചു. ശാന്തികവാടത്തില്നിന്ന് കിട്ടുന്ന ഭസ്മം ശംഖുംമുഖത്ത് കടലിലൊഴുക്കണെന്നും സഞ്ചയനവും പതിനാറും വേണ്ടെന്നും കവയത്രി വ്യക്തമാക്കി. പാവപ്പെട്ട കുറച്ച് പേര്ക്ക് ആഹാരം കൊടുക്കാന് ഏര്പ്പാട് ചെയ്തിട്ടുണ്ടെന്നും അവര് കൂട്ടിച്ചേര്ത്തു.
പ്രതികരിക്കാൻ ഇവിടെ എഴുതുക