തിരുവനന്തപുരം: ഖാദര് കമ്മിറ്റി റിപ്പോര്ട്ട് നടപ്പാക്കാന് തീരുമാനിച്ച നടപടിക്കെതിരെ എബിവിപി സെക്രട്ടറിയേറ്റിലേക്ക് നടത്തിയ മാര്ച്ചില് വ്യാപക സംഘര്ഷം. പ്രകടനമായി എത്തിയ പ്രവര്ത്തകരെ പൊലീസ് കന്റോണ്മെന്റ് ഗേറ്റിന് മുന്നില് ബാരിക്കേഡ് ഉപയോഗിച്ച് തടഞ്ഞതാണ് സംഘര്ഷത്തിലേക്ക് നയിച്ചത്. പോലീസ് ജലപീരങ്കിയും കണ്ണീര്വാതകവും പ്രയോഗിച്ചു. ലാത്തിച്ചാര്ജില് വനിതാ പ്രവര്ത്തകര് ഉള്പ്പെടെ നിരവധി പ്രവര്ത്തകര്ക്ക് പരിക്കേറ്റു.
സംഘര്ഷം രൂക്ഷമായതോടെ പൊലീസ് രണ്ട് തവണ ഗ്രനേഡ് പ്രയോഗിച്ചു. സംഘര്ഷത്തില് ഒരു പൊലീസുകാരനും നാല് പ്രവര്ത്തകര്ക്കും പരിക്കേട്ടിട്ടുണ്ട്. പൊലീസ് നടപടിയില് പ്രതിഷേധിച്ച് പ്രവര്ത്തകര് റോഡില് കുത്തിയിരുന്ന് പ്രതിഷേധിച്ചു.
സര്ക്കാരിന്റെ പുതിയ വിദ്യാഭ്യാസ നയത്തിനെതിരെയും ഖാദര് കമ്മിറ്റി റിപ്പോര്ട്ടിനെതിരെയുമാണ് കെ.എസ്.യു. സെക്രട്ടറിയേറ്റ് മാര്ച്ച് സംഘടിപ്പിച്ചത്. കെ.പി.സി.സി. അധ്യക്ഷന് മുല്ലപ്പള്ളി രാമചന്ദ്രന് മാര്ച്ച് ഉദ്ഘാടനം ചെയ്തു. സംസ്ഥാനത്തിന്റെ വിവിധഭാഗങ്ങളില് നിന്നെത്തിയ പ്രവര്ത്തകര് മാര്ച്ചില് പങ്കെടുതിരുന്നു.
പ്രതികരിക്കാൻ ഇവിടെ എഴുതുക