ഇന്ത്യന് സിനിമയിൽ ഞെട്ടലുണ്ടാക്കിയ മരണമായിരുന്നു നടി ശ്രീദേവിയുടേത്. ദുബായില് ബന്ധുവിന്റെ വിവാഹം കൂടാന് പോയ ശ്രീദേവിയെ ഹോട്ടലിൽ ബാത് ടബ്ബിൽ മുങ്ങിമരിച്ച നിലയില് കാണപ്പെടുകയായിരുന്നു. ആരാധകര്ക്ക് ഇന്നും അവിശ്വസനീയമായി തുടരുന്ന ഈ മരണത്തെ ചുറ്റിപ്പറ്റി നിരവധി അഭ്യൂഹങ്ങളും പുറത്തുവന്നു.
ഇത് അപകടമരണമല്ലെന്നും കൊലപാതകമാണെന്നും വാദങ്ങള് ഉയര്ന്നപ്പോള് അന്ന് പ്രതിസ്ഥാനത്ത് നിന്നത് ശ്രീദേവിയുടെ ഭര്ത്താവും നിര്മാതാവുമായിരുന്ന ബോണി കപൂറായിരുന്നു. എന്നാൽ പിന്നീട് കാര്യമായി അന്വേഷണങ്ങളൊന്നും നടന്നില്ല ഈ അഭ്യൂഹങ്ങളെല്ലാം തള്ളി ശ്രീദേവിയുടേത് അപകടമരണമാണെന്ന് ചൂണ്ടിക്കാട്ടി ദുബായ് പോലീസ് കേസ് അവസാനിപ്പിക്കുകയും ചെയ്തു.
എന്നാലിപ്പോള് ഈ മരണം വീണ്ടും ചര്ച്ചയാവുകയാണ്. ജയില് ഡി.ജി.പി ഋഷിരാജ് സിംഗ് ഇതുമായി ബന്ധപ്പെട്ട് നടത്തിയ വെളിപ്പെടുത്തലുകളാണ് ശ്രീദേവിയുടെ മരണത്തെ വീണ്ടും വാര്ത്തകളില് നിറയ്ക്കുന്നത്.തന്റെ സുഹൃത്തും അടുത്തിടെ അന്തരിച്ച ഫോറന്സിക് വിദഗ്ദ്ധനുമായ ഡോ. ഉമാദത്തന് ശ്രീദേവിയുടെ മരണവുമായി ബന്ധപ്പെട്ട് പറഞ്ഞ ചില കാര്യങ്ങള് ഉള്പ്പെടുത്തി കേരളകൗമുദി പത്രത്തില് എഴുതിയ ലേഖനത്തിലാണ് ഋഷിരാജ് സിംഗിന്റെ വെളിപ്പെടുത്തല്.
ശ്രീദേവിയുടേത് സ്വാഭാവികമായ ഒരു അപകടമരണമല്ല മറിച്ച്, കൊലപാതകമാവാനാണ് സാധ്യതയെന്ന് ഡോ. ഉമാദത്തന് തന്നോട് പറഞ്ഞിരുന്നുവെന്ന് ഋഷിരാജ് സിങ് ലേഖനത്തിൽ പറയുന്നത് .’പ്രസിദ്ധ സിനിമാനടി ശ്രീദേവിയുടെ മരണത്തെക്കുറിച്ച് ആകാംക്ഷമൂലം ഞാന് അദ്ദേഹത്തോട് ചോദിച്ചപ്പോള് അതൊരു അപകടമരണമല്ല മറിച്ച്, കൊലപാതകമരണമാവാനാണ് സാധ്യത എന്നദ്ദേഹം പറഞ്ഞു. ഒരാള് എത്ര മദ്യപിച്ചാലും ഒരടി വെള്ളത്തില് മുങ്ങിമരിക്കാനുള്ള സാധ്യതയില്ല. ആരെങ്കിലും കാലുയര്ത്തിപ്പിടിച്ച് തല വെള്ളത്തില് മുക്കിയാല് മാത്രമേ മുങ്ങിമരിക്കൂ എന്നും അദ്ദേഹം അഭിപ്രായപ്പെട്ടു’. ലേഖനത്തില് പറയുന്നത് ഇങ്ങനെയാണ്.
പ്രതികരിക്കാൻ ഇവിടെ എഴുതുക