സന്ഫ്രാന്സിസ്കോ: ആപ്പിള് ഐഫോണ് 5ജി അടുത്തവര്ഷം പുറത്തിറങ്ങുന്നതായിരിക്കും. മൂന്ന് ഫോണുകള് 2020 ആപ്പിള് ഇറക്കാന് സാധ്യതയുണ്ടെന്നാണ് റിപ്പോര്ട്ട്. ആപ്പിള് സംബന്ധിച്ച വാര്ത്തകള് പുറത്തുവിടുന്ന 9 ടു 5 മാക് ആണ്. അതേ സമയം നേരത്തെ 2020 ല് ഇറക്കുന്ന ഐഫോണുകള് 5ജിയില് ആയിരിക്കില്ലെന്നാണ് റിപ്പോര്ട്ട് വന്നിരുന്നു.
അതിലാണ് ഇപ്പോള് മാറ്റം വരുന്നത്. 2020 ആദ്യ പാദത്തില് ഇതുവരെ പിന്തുടര്ന്ന ഐഫോണ് ഡിസൈന് പൊളിച്ചെഴുതി 6.7 ഇഞ്ച്, 5.4 ഇഞ്ച്, 6.1 ഇഞ്ച് വലിപ്പത്തിലുള്ള മൂന്ന് ഐഫോണുകള് പുറത്തിറക്കും എന്നാണ് വാര്ത്ത. ഇവയില് 5ജി സപ്പോര്ട്ട് ലഭിക്കും.
കഴിഞ്ഞ ദിവസമാണ് ഇന്റെല്ലിന്റെ സ്മാര്ട്ട്ഫോണ് മോഡം ബിസിനസ് 6886 കോടി രൂപയ്ക്ക് ആപ്പിള് ഏറ്റെടുത്തത്. തങ്ങളുടെ 5ജിപദ്ധതികള് വിപുലീകരിക്കുന്നതിന്റെ ഭാഗമായാണ് ആപ്പിള് ഇത്തരം ഒരു നീക്കം നടത്തിയത്. ഇതോടെ ഇന്റെലിന്റെ 2,200 ജോലിക്കാര് ഇനി ആപ്പിളില് ജോലി ചെയ്യും. ഇതോടൊപ്പം ഇന്റെലിന്റെ 17,000ത്തോളം വയര്ലെസ് ടെക്നോളജി പേറ്റന്റുകള് ആപ്പിളിന് സ്വന്തമാകും.
പ്രതികരിക്കാൻ ഇവിടെ എഴുതുക