തിരുവനന്തപുരം: അധിക തോതിൽ സില്വറിന്റെ അംശം കണ്ടെത്തിയതിനെ തുടര്ന്ന് മാക്ഡവല്സ് കുപ്പിവെള്ളം സംസ്ഥാനത്ത് നിരോധിച്ച് . ഭക്ഷ്യ സുരക്ഷ വകുപ്പ് ഇത് സംബന്ധിച്ച വിവരം സോഷ്യൽ മീഡിയയിലൂടെ പങ്കുവെച്ചത്. നിരോധനം ഏർപെടുത്തിയതിനാൽ കുപ്പിവെള്ളം സൂക്ഷിക്കാനോ വിൽപ്പന നടത്താനോ വിതരണം ചെയ്യാനോ പാടുള്ളതല്ല. ഉൽപ്പാദകരോട് വിപണിയിലുള്ള മുഴുവൻ കുപ്പിവെള്ളവും തിരിച്ചെടുക്കാൻ നിർദ്ദേശിച്ചിട്ടുണ്ട്.
കമ്പനികള് വെള്ളം ശേഖരിക്കുന്നതു വൃത്തിയില്ലാത്ത ഇടങ്ങളില് നിന്നാണെന്നും അശാസ്ത്രീയമായി രീതിയിലാണ് ഇവര് വെള്ളം പാക്കേജ് ചെയ്ത് നല്കുകയാണെന്നുമാണ് പരിശോധനയില് കണ്ടെത്തി . ഗുണമേന്മയില്ലാത്ത കുപ്പിവെള്ളം വില്ക്കുന്നവരേയും പിടികൂടിയിട്ടുണ്ട്. ഇത്തരത്തില് ഗുണ നിലവാരമില്ലാത്ത കുപ്പിവെള്ളങ്ങള് മാര്ക്കറ്റില് വിൽപനയ്ക്ക് ഉള്ളവ തിരിച്ച് എടുക്കാനും ഭക്ഷ്യ സുരക്ഷാ കമ്മീഷണര് ഉത്തരവിട്ടു.
ഫുഡ് സേഫ്റ്റി കേരളയുടെ ഫേസ്ബുക്ക് പോസ്റ്റ്
അനുവദിച്ചതിലും കൂടുതൽ സിൽവറിന്റെ സാന്നിദ്ധ്യം പരിശോധനയിൽ കണ്ടെത്തിയതിനെത്തുടർന്ന് S&S Food Industries, Sy.No 1225, Mattathurkunnu P.O., Kodakara, Trissur (State Licence No: 11315008000653) ഉദ്പാദിപ്പിക്കുന്ന McDowell’s No.1 Packaged Drinking Water ഭക്ഷ്യസുരക്ഷാ വകുപ്പ് നിരോധിച്ചു. കുപ്പിവെള്ളം സൂക്ഷിക്കാനോ വിൽപ്പന നടത്താനോ വിതരണം ചെയ്യാനോ പാടുള്ളതല്ല. ഉദ്പാദകരോട് വിപണിയിലുള്ള മുഴുവൻ കുപ്പിവെള്ളവും തിരിച്ചെടുക്കാൻ നിർദ്ദേശിച്ചിട്ടുണ്ട്. സന്ദേശം എല്ലാവരിലേക്കും എത്തിക്കുക.
പ്രതികരിക്കാൻ ഇവിടെ എഴുതുക