ന്യൂഡല്ഹി: ജമ്മു കശ്മീര് വിഷയത്തില് 1947 മുതല് പാലിച്ചുവരുന്ന പരിരക്ഷകള് എല്ലാം എടുത്തുമാറ്റാന് നിര്ണായ ബില്ലുകളുമായി ആഭ്യന്തരമന്ത്രി അമിത് ഷാ രാജ്യസഭയില്.
ജമ്മു കശ്മീരിനെ രണ്ടായി വിഭജിക്കും. ജമ്മു കശ്മീര്, ലഡാക്ക് എന്നീ രണ്ട് കേന്ദ്ര ഭരണ പ്രദേശങ്ങളായിട്ടാണ് വിഭജിക്കുക. ജമ്മു-കശ്മീര് നിയമസഭയുള്ള കേന്ദ്രഭരണ പ്രദേശമായിരിക്കും. ലഡാക്കില് നിയമസഭ ഉണ്ടാവില്ല. നേരിട്ട് കേന്ദ്രത്തിനു കീഴിലായിരിക്കും.
രാജ്യസഭയില് ജമ്മു കശ്മീരുമായി ബന്ധപ്പെട്ട സുപ്രധാന പ്രഖ്യാപനങ്ങള് നടത്തവേ ആഭ്യന്തരമന്ത്രി അമിത് ഷായാണ് രണ്ടായി വിഭജിക്കാനുള്ള തീരുമാനം പ്രഖ്യാപിച്ചത്.
കശ്മീരിനെ ഭൂമിശാസ്ത്രപരമായ പ്രത്യേകതകള് അനുസരിച്ചാണ് വിഭജിക്കുകയെന്ന് ആഭ്യന്തര മന്ത്രി അമിത് ഷാ വ്യക്തമാക്കി.
കോണ്ഗ്രസിന്റെ നേതൃത്വത്തില് പ്രതിപക്ഷ പാര്ട്ടികളുടെ കനത്ത പ്രതിഷേധം വക വയ്ക്കാതെയാണു പ്രമേയം അവതരിപ്പിച്ചത്.
പ്രധാനമന്ത്രി നരേന്ദ്ര മോദിയുടെ വസതിയില് ചേര്ന്ന കേന്ദ്ര മന്ത്രിസഭയുടെ പ്രത്യേക യോഗത്തിനുശേഷമാണു സര്ക്കാരിന്റെ നിര്ണായക നീക്കം.
പ്രതികരിക്കാൻ ഇവിടെ എഴുതുക