കൊച്ചി: ഓണനാളുകളില് മില്മ ഉല്പന്നങ്ങള്ക്ക് ചരിത്രത്തിലെ തന്നെ റെക്കോര്ഡ് വില്പന. ഉത്രാടം നാളില് മാത്രം ഒരു കോടിയിലധികം രൂപയുടെ വിറ്റുവരവാണ് മിൽമക്ക് ഉണ്ടായിരിക്കുന്നത്.
ഓണക്കാലത്ത് മില്മ കേരളത്തില് വിറ്റത് നാല്പത്തിയാറ് ലക്ഷത്തി അറുപതിനായിരം ലിറ്റര് പാലും, അഞ്ച് ലക്ഷത്തി എണ്പത്തിയൊന്പതിനായിരം ലിറ്റര് തൈരുമാണ്. ഇത് മില്മയുടെ ചരിത്രത്തിലെ തന്നെ റെക്കോര്ഡ് വില്പനയാണ്.
സംസ്ഥാനത്തിന് പുറമെ കര്ണ്ണാടക മില്ക് ഫെഡറേഷനില് നിന്ന് കൂടി പാല് വാങ്ങിയാണ് ഉപഭോക്താക്കള്ക്ക് ലഭ്യമാക്കിയത്. കൊച്ചിയിലും തിരുവനന്തപുരത്തും ആരംഭിച്ച മൊബൈല് ആപ്പ് വഴിയുള്ള വില്പനയ്ക്കും മികച്ച പ്രതികരണമായിരുന്നു. കൊച്ചിയില് കഴിഞ്ഞ ദിവസങ്ങളില് എണ്ണൂറ് പാക്കറ്റിലധികം പാലാണ് മൊബൈല് ആപ്പ് വഴി മാത്രം വിറ്റത്.
മില്മ ഉല്പന്നങ്ങള്ക്ക് നേരത്തെ വില കൂട്ടിയിരുന്നു. ഓണക്കാലം പരിഗണിച്ച് പ്രാബല്യത്തില് വരുത്താതിരുന്ന വില വര്ദ്ധനവ് ഈ മാസം തന്നെ നടപ്പാക്കാനാണ് മില്മ ഫെഡറേഷന്റെ തീരുമാനം. പാല് വില ലിറ്ററിന് 5 മുതല് 7 രൂപ വരെ വര്ദ്ധിപ്പിക്കാനാണ് ശുപാര്ശ ചെയ്തിരിക്കുന്നത്.
പ്രതികരിക്കാൻ ഇവിടെ എഴുതുക