മുംബൈയിൽ ജനങ്ങളെ പരിഭ്രാന്തിയിലാഴ്ത്തി നിഗൂഢ ഗന്ധം. മുംബൈയിലെ വെസ്റ്റേണ് ഈസ്റ്റേണ് പ്രാന്ത പ്രദേശങ്ങളിലാണ് വ്യാഴാഴ്ച രാത്രിയില് ഗ്യാസിന് സമാനമായ അറിയപ്പെടാത്ത ഗന്ധം പടര്ന്നത് പരിഭ്രാന്തി പടര്ത്തിയത്.
ഇതോടെ ചെമ്ബൂരിലെ രാഷ്ട്രീയ കെമിക്കല് ഫെര്ട്ടിലൈസര് ഫാക്ടറിയില് ഗ്യാസ് ചോര്ച്ചയെന്നെല്ലാം തുടങ്ങുന്ന നിരവധി സന്ദേശങ്ങള് പടരുവാന് തുടങ്ങി.
എന്നാല് ഉടനെ തന്നെ BMC ഗ്യാസ് ചോര്ച്ചയാണെന്ന വാര്ത്ത നിഷേധിച്ചു. രാത്രി ഏകദേശം 10 മണിക്ക് ശേഷം പടര്ന്ന ഗന്ധം ചെമ്ബുര്, മാന്ഖുദ്, ഗോവണ്ടി, ചാന്ദിവലി, പവായ്, ഘാട്കോപ്പര്, അന്ധേരി, തുടങ്ങിയ സ്ഥലങ്ങളിലാണ് റിപ്പോര്ട്ട് ചെയ്തത്.
സംഭവത്തോട് അനുബന്ധിച്ചു പരാതികളോ അന്വേഷണമോ ലഭിച്ചിട്ടില്ലെന്ന് പ്രദേശത്തെ പോലീസ് വകുപ്പ് അറിയിച്ചു. കൂടുതല് പരാതികള് ലഭിച്ച മഹാനഗര് ഗ്യാസ് ലിമിറ്റഡ് നഗരത്തിലെ തങ്ങളുടെ ഗ്യാസ് പൈപ്പ് ലൈനുകളില് തകരാറുകള് ഒന്നുമില്ലെന്നും ഗ്യാസ് ചൊരുവാനുള്ള സാദ്ധ്യതകള് ഇല്ലെന്നും സ്ഥിരീകരിച്ചു.
എന്നിരുന്നാലും തങ്ങളുടെ അത്യാഹിത വിഭാഗത്തെ പരാതികള് ലഭിച്ച പ്രദേശങ്ങളില് വിന്യസിപ്പിച്ചു സുരക്ഷാ ഉറപ്പാക്കിയെന്ന് മഹാനഗര് ഗ്യാസ് വ്യക്തമാക്കി. മുംബൈ നഗരസഭയില് മുപ്പതോളം പരാതികളാണ് ഇതിനോടകം ലഭിച്ചത്.
ഏകദേശം അര്ദ്ധ രാത്രിയോടെ ഗന്ധത്തിന്റെ തോത് കുറഞ്ഞു വരുവാന് തുടങ്ങിയെന്ന് അനുഭവസ്ഥര് പറഞ്ഞു. ഇതോടെ ജനങ്ങളുടെ പരിഭ്രാന്തി കുറഞ്ഞെങ്കിലും ഏതാണ് ഈ ഗന്ധത്തിന്റെ ഉറവിടമെന്ന് ഇനിയും തിരിച്ചറിഞ്ഞിട്ടില്ല.
പ്രതികരിക്കാൻ ഇവിടെ എഴുതുക