കല്പ്പറ്റ:വയനാട് ദേശീയപാതയിൽ അര്ദ്ധരാത്രി യുവാക്കളെ ആക്രമിച്ച് കവര്ച്ച നടത്തിയ 14 അംഗ ക്വട്ടേഷന് സംഘം അറസ്റ്റില്. മൈസൂരില് നിന്നും സ്വര്ണം വിറ്റ് മടങ്ങുകയായിരുന്ന വയനാട് സ്വദേശികളായ യുവാക്കളെ ആക്രമിച്ച് 17 ലക്ഷമാണ് കഴിഞ്ഞ ദിവസം മോഷണ സംഘം കവര്ന്നത്.
മീനങ്ങാടി വൈത്തിരി പോലീസാണ് പ്രതികളെ പിടികൂടിയത്. തൃശൂര് കേന്ദ്രീകരിച്ചു പ്രവര്ത്തിക്കുന്ന വന് ക്വട്ടേഷന് സംഘമാണ് പിടിയിലായത്. രേഖകളില്ലാതെ പണവുമായി സഞ്ചരിക്കുന്നവരെയാണ് ഇവര് ലക്ഷ്യമിട്ടിരുന്നത്. മോഷണവുമായി ബന്ധപ്പെട്ട് കൂടുതല് അറസ്റ്റ് ഉണ്ടാകുമെന്ന് ജില്ലാ പോലീസ് മേധാവി പറഞ്ഞു.
പിടിയിലായ 14 പേരുടെയും അറസ്റ്റ് ഇന്നലെ തന്നെ രേഖപ്പെടുത്തിയിരുന്നു. സമാന രീതിയില് കവര്ച്ച നടത്തിയതിന് ഇവർക്കെതിരെ സംസ്ഥാനത്തിന്റെ വിവിധയിടങ്ങളില് കേസുണ്ട്.
തൃശൂര് സ്വദേശികളായ സംഘത്തിലെ ഒരാള്കൂടി ഇനി പിടിയിലാകാനുണ്ട്. ഇയാള്ക്കായി തിരച്ചില് തുടരുകയാണ്. പ്രതികളെ ഇന്ന് കോടതിയില് ഹാജരാക്കും.
പ്രതികരിക്കാൻ ഇവിടെ എഴുതുക