തിരുച്ചിറപ്പള്ളി: തമിഴ്നാട്ടിലെ തിരുച്ചിറപ്പള്ളിയില് രണ്ടുവയസുകാരന് കുഴല്ക്കിണറില് വീണു. കുട്ടിയെ പുറത്തെടുക്കാനുള്ള ശ്രമം തുടരുകയാണ്.
26 അടി ആഴത്തില് കുട്ടി കുടുങ്ങിക്കിടന്ന കുട്ടി രക്ഷാശ്രമത്തിനിടെ 68 അടി താഴ്ച്ചയിലേക്ക് വീണതിനെ തുടര്ന്ന് കുട്ടിയെ രക്ഷിക്കാന് ദേശീയ ദുരന്ത നിവാരണ സേനയുടെ സഹായം തേടി.
രണ്ട് കൈകളും മുകളിലേക്ക് ഉയര്ത്തിയ നിലയിലാണ് കുട്ടി കുടുങ്ങിയിരിക്കുന്നത്. കൈകളിലൂടെ കുരുക്ക് ഇട്ട് മുകളിലേക്ക് ഉയര്ത്താനാണ് വിദഗ്ധര് ആദ്യം ശ്രമിച്ചത്. പിന്നീട് ഈ ശ്രമം പ്രാവര്ത്തികമല്ലെന്ന് കണ്ട് ഉപേക്ഷിച്ചു.
വെള്ളിയാഴ്ച വൈകിട്ട് 5.30 ഓടെയാണ് സംഭവം. വീട്ടുമുറ്റത്ത് കളിച്ചുകൊണ്ടിരുന്ന സുജിത് വില്സണ് എന്ന രണ്ടുവയസുകാരന് സമീപത്തുള്ള കുഴല്ക്കിണറിലേക്ക് കാല് തെന്നി വീഴുകയായിരുന്നു.
ഏഴ് വര്ഷം മുന്പ് കുഴിച്ചതാണ് ഈ കിണര്. ഫയര് ആന്ഡ് റസ്ക്യൂ സര്വീസ് സ്ഥലത്തെത്തിയിട്ടുണ്ട്. പ്രദേശവാസികളുടെ സഹായത്തോടെ കുട്ടിയെ രക്ഷിക്കാനുള്ള ശ്രമം തുടരുകയാണ്.
പ്രതികരിക്കാൻ ഇവിടെ എഴുതുക