മഹാരാഷ്ട്ര കേസില് സുപ്രീംകോടതിയില് വാദം ആരംഭിച്ചു. സര്ക്കാര് രൂപീകരണത്തിന് ക്ഷണിച്ചു കൊണ്ട് ഗവര്ണ്ണര് നല്കിയ കത്തും ഭൂരിപക്ഷം ഉണ്ടെന്ന് ദേവേന്ദ്ര ഫട്നാവിസ് നല്കിയ കത്തും ഇന്ന് കോടതി പരിശോധിക്കും.
ഇവ തിങ്കളാഴ്ച രാവിലെ ഹാജരാക്കാന് കേന്ദ്രസര്ക്കാരിനുവേണ്ടി ഹാജരായ സോളിസിറ്റര് ജനറല് തുഷാര് മേത്തയോട് കോടതി നിര്ദേശിച്ചിരുന്നു.
രേഖകള് പരിശോധിച്ചതിനു ശേഷമേ വിശ്വാസ വോട്ടെടുപ്പ് നടത്തണമെന്ന ശിവസേന-എന്സിപി-കോണ്ഗ്രസ് സഖ്യത്തിന്റെ ഹര്ജിയിലെ ആവശ്യത്തില് കോടതി തീരുമാനമെടുക്കൂ.
ഭൂരിപക്ഷം തെളിയിക്കാന് മൂന്ന് ദിവസത്തെ സാവകാശം വേണമെന്ന ബിജെപി ആവശ്യം തള്ളിക്കൊണ്ടാണ് സര്ക്കാര് രൂപീകരണത്തിന് ആധാരമാക്കിയ രേഖകള് ഹാജരാക്കാന് സുപ്രീം കോടതി നിര്ദ്ദേശം നല്കിയത്.
സര്ക്കാര് രൂപീകരണത്തിന് ആധാരമായ രേഖകള് സുപ്രീംകോടതി പരിശോധിക്കും. ജസ്റ്റിസുമാരായ എന് വി രമണ, അശോക് ഭൂഷണ്, സഞ്ജീവ് ഖന്ന എന്നിവരടങ്ങുന്ന ബഞ്ചാണ് കേസ് പരിഗണിക്കുന്നത്.
ദേവേന്ദ്ര ഫട്നാവിസ് സര്ക്കാരിന് സത്യപ്രതിജ്ഞ ചെയ്യാന് അനുമതി നല്കിയ ഗവര്ണ്ണറുടെ നടപടി റദ്ദു ചെയ്യുക, 24 മണിക്കൂറിനകം വിശ്വാസവോട്ടെടുപ്പ് നടത്താന് ഉത്തരവിടുക തുടങ്ങിയ ആവശ്യങ്ങളുന്നയിച്ചാണ് കോണ്ഗ്രസ് – എന്സിപി – ശിവസേന സഖ്യം കോടതിയെ സമീപിച്ചത്.
പ്രതികരിക്കാൻ ഇവിടെ എഴുതുക