ജര്മന് നഗരമായ ഡ്രെസ്ഡിന്നിലെ മ്യൂസിയത്തില് നിന്ന് മോഷ്ടാക്കള് 7800 കോടിയുടെ ആഭരണങ്ങള് കവർന്നു. ചരിത്രപ്രാധാന്യമുള്ളതായ വസ്തുക്കള് സൂക്ഷിച്ചിരിക്കുന്ന ഡ്രിസ്ഡിന്നിലെ ഗ്രീന് വോള്ട്ട് കൊട്ടാരത്തില്(ഇപ്പോള് മ്യൂസിയം) നിന്നാണ് അതിവിദഗ്ധമായി കവര്ച്ച നടത്തിയത്.
18-ാം നൂറ്റാണ്ടിലെ മൂന്ന് സെറ്റ് വജ്രാഭരണങ്ങളാണ് മോഷണം പോയത്. തിങ്കളാഴ്ച പുലര്ച്ചെയാണ് സംഭവം. കവര്ച്ചയ്ക്ക് മുമ്പ് മ്യൂസിയത്തിലേയും സമീപപ്രദേശത്തേയും വൈദ്യുതിബന്ധം വിച്ഛേദിക്കപ്പെട്ടിരുന്നു. ഇതിനെ തുടര്ന്ന് അലാറം പ്രവര്ത്തനരഹിതമായി. സുരക്ഷാസംവിധാനം തകരാറിലായതിനെ തുടര്ന്ന് മോഷണത്തെ കുറിച്ച് സൂചന ലഭിച്ചിരുന്നില്ല.
കെട്ടിടത്തിന്റെ താഴത്തെ നിലയിലുള്ള ജനാലയുടെ ഇരുമ്പഴികള് വളച്ചുണ്ടാക്കിയ മാര്ഗത്തിലൂടെയാണ് മോഷ്ടാക്കള് അകത്ത് പ്രവേശിച്ചിരിക്കുന്നത്.
മോഷണം പോയ ആഭരണങ്ങള്ക്ക് ഒരു ബില്യണ് യൂറോ(ഏകദേശം 78,85,24,47,600 രൂപ)വിലമതിക്കും. വൈദ്യുതി ഇല്ലാതിരുന്നെങ്കിലും രണ്ട് മോഷ്ടാക്കളുടെ ദൃശ്യം ക്യാമറ പകര്ത്തിയിട്ടുണ്ട്.
പ്രതികരിക്കാൻ ഇവിടെ എഴുതുക