അമേരിക്കയുടെ റോക്കറ്റ് ആക്രമണത്തിന് മറുപടിയായി അമേരിക്കൻ എംബസിക്കും അമേരിക്കന് സൈനികര് തങ്ങുന്ന ബാലാദ് വ്യോമതാവളത്തിനും നേരെ അക്രമണമുണ്ടായതായി റിപ്പോർട്ട്. ഇറാഖിന്റെ തലസ്ഥാനമായ ബഗ്ദാദിലെ അതീവ സുരക്ഷാ മേഖലയില് വ്യോമാക്രമണം നടന്നതായി അന്താരാഷ്ട്ര വാര്ത്ത ഏജന്സിയായ എഎഫ്പിയടക്കമുള്ള അന്താരാഷ്ട്ര മാധ്യമങ്ങള്റിപ്പോര്ട്ട് ചെയ്യുന്നു. ബാഗ്ദാദിലെ അമേരിക്കന് കേന്ദ്രത്തിനു നേരെയാണ് വ്യോമാക്രമണം ഉണ്ടായത് എന്നാണ് വിവരം.
രണ്ടിടത്തേക്കും റോക്കറ്റുകള്എത്തിയെന്നും എന്നാല് ആക്രമണത്തില് ആളാപയമുണ്ടായിട്ടില്ലെന്നും അന്താരാഷ്ട്രമാധ്യമങ്ങള് റിപ്പോര്ട്ട് ചെയ്യുന്നു. ആക്രമണത്തിന്റെ കൂടുതല് വിവരങ്ങള് പുറത്തു വരുന്നതേയുള്ളൂ.
സര്ക്കാര് ഓഫിസുകളും ഒട്ടേറെ വിദേശരാജ്യങ്ങളുടെ കാര്യാലയങ്ങളുമുള്ള മേഖലയാണ് ഗ്രീന് സോണ്. ഇറാന് വിപ്ലവഗാര്ഡ് വിഭാഗം മേധാവി അസീം സുലൈമാനിയുടെ മരണത്തിനിടയാക്കിയ അമേരിക്കൻ ആക്രമണത്തിനുള്ള തിരിച്ചടിയായാണ് അക്രമത്തെ വിലയിരുത്തുന്നത്.
ശനിയാഴ്ച പ്രാദേശിക സമയം വൈകിട്ടോടെ മോര്ട്ടാര് ആക്രമണം നടന്നത്. ഒരു മോര്ട്ടാര് വന്നുവീണത് സുരക്ഷാമേഖലയ്ക്കുള്ളിലായിരുന്നു, രണ്ടാമത്തേത് പുറത്തും. തുടര്ന്ന് അപായസൈറണും മുഴങ്ങി. ഒട്ടേറെ നയതന്ത്രജ്ഞരും സൈനികരും മേഖലയില് താമസിക്കുന്നുണ്ട്.
പ്രതികരിക്കാൻ ഇവിടെ എഴുതുക