പൃഥ്വിരാജും ബിജു മേനോനും കേന്ദ്ര കഥാപാത്രങ്ങളാകുന്ന ചിത്രമാണ് ‘അയ്യപ്പനും കോശിയും’. ചിത്രത്തിലെ പുതിയ വീഡിയോ ഗാനം റിലീസ് ചെയ്തു. സച്ചിയാണ് ചിത്രത്തിന്റെ തിരക്കഥയും സംവിധാനവും. അനാര്ക്കലിക്ക് ശേഷം സച്ചി തിരക്കഥ രചിച്ച് സംവിധാനം ചെയ്യുന്ന ചിത്രം കൂടിയാണ്.
അട്ടപ്പാടിയിലെ പോലീസ് സ്റ്റേഷനിലെ എസ്.ഐ കഥാപാത്രമായ അയ്യപ്പന് നായരെയാണ് ബിജുമേനോന് അവതരിപ്പിക്കുന്നത്. പൃഥ്വിരാജ് ചെയ്യുന്ന കട്ടപ്പനക്കാരനായ കോശി പട്ടാളത്തില് 16 വര്ഷത്തെ സര്വീസിനുശേഷം ഹവീല്ദാര് റാങ്കില് വിരമിച്ച ഒരാളും ഇവര് തമ്മിലുണ്ടാകുന്ന നിയമപ്രശ്നവുമാണ് ചിത്രത്തിന്റെ ഇതിവൃത്തം.
ഗോള്ഡ് കോയിന് മോഷന് പിക്ച്ചേഴ്സിന്റെ ബാനറില് രഞ്ജിത്തും പി.എം. ശശിധരനും ചേര്ന്നാണ് ചിത്രം നിര്മിക്കുന്നത്. അന്നാ രേഷ്മാരാജന്, സിദ്ദിഖ്, അനുമോഹന്, ജോണി ആന്റണി, അനില് നെടുമങ്ങാട്, തരികിട സാബു, ഷാജു ശ്രീധര്, ഗൗരി നന്ദ എന്നിവരും ചിത്രത്തില് വേഷമിടുന്നു. റഫീക്ക് അഹമ്മദിന്റെ ഗാനങ്ങള്ക്ക് ജെയ്ക്ക് ബിജോയ്സ് ഈണം പകര്ന്നിരിക്കുന്നു.
പ്രതികരിക്കാൻ ഇവിടെ എഴുതുക