കേന്ദ്ര-സംസ്ഥാന സര്ക്കാരുകള് ലോക്ഡൗണില് ഇളവുകള് അനുവദിച്ച പശ്ചാതലത്തില് നിബന്ധനകള് പാലിച്ച് പള്ളികള് തുറന്ന് ജുമുഅ-ജമാഅത്ത് നിര്വഹിക്കണമെന്ന നിലപാടില് മാറ്റമില്ലെന്ന് സമസ്ത.
രാജ്യം ഭരിക്കുന്ന ഭരണകൂടത്തിന്റെ ഉത്തരവ് പ്രകാരമാണ് ഇതുവരെ പള്ളികള് അടച്ചിട്ടത്. അതേഭരണകൂടം പള്ളികള് തുറന്നു പ്രവര്ത്തിക്കാന് നിബന്ധനകളോടെ അനുമതി നല്കിയ സാഹചര്യത്തിലാണ് പള്ളികള് തുറക്കുന്നത്, നിബന്ധനകള് പാലിക്കാന് കഴിയുന്ന സ്ഥലങ്ങളില് പള്ളികള് തുറന്ന് ആരാധനക്ക് അവസരമൊരുക്കാതിരിക്കുന്നത് കുറ്റകരമാണ്. മഹല്ല് ജമാഅത്തുകളും ഖാസി, ഖത്തീബുമാരും ഇക്കാര്യം ഗൗരവത്തിലെടുക്കണമെന്നും നിബന്ധനകള് പാലിക്കാന് കഴിയാത്തവര്ക്ക് നിലവിലെ സ്ഥിതി തുടരാവുന്നതാണെന്നും സമസ്ത വ്യക്തമാക്കുന്നു.
കോവിഡ് 19ന്റെ പശ്ചാതലത്തില് തിരിച്ചുവരുന്ന പ്രവാസികളെ സര്ക്കാര് കേന്ദ്രങ്ങളില് ക്വാറന്റൈന് സൗകര്യം ഒരുക്കണമെന്നും ചെലവുകള് പൂര്ണമായും സര്ക്കാര് വഹിക്കണമെന്നും യോഗം ആവശ്യപ്പെട്ടു.
പ്രതികരിക്കാൻ ഇവിടെ എഴുതുക