കോവിഡ് 19 രോഗബാധ വര്ധിക്കുന്ന പശ്ചാത്തലത്തില് ടെക്നിക്കല് വിഭാഗത്തിലേത് ഉള്പ്പെടെയുളള എല്ലാ പോലീസ് ഉദ്യോഗസ്ഥരും നാളെ രാവിലെ ഏഴ് മണിമുതല് സേവനസജ്ജരായിരിക്കാന് സംസ്ഥാന പോലീസ് മേധാവി ലോക്നാഥ് ബെഹ്റ നിര്ദ്ദേശം നല്കി. രോഗവ്യാപനം തടയുന്നതിന് നിയന്ത്രണങ്ങള് ശക്തിപ്പെടുത്തുന്നതിനുളള ക്രമീകരണങ്ങളുടെ ഭാഗമായാണ് നടപടി. എല്ലാ സ്പെഷ്യല് യൂണിറ്റുകളിലെയും എസ്.പിമാര് ഉള്പ്പെടെയുളള 90 ശതമാനം ജീവനക്കാരുടെയും സേവനം ക്രമസമാധാന വിഭാഗം എ.ഡി.ജി.പിയ്ക്ക് ലഭ്യമാക്കും. പോലീസ് വോളന്റിയേഴ്സിനെ കഴിയുന്നത്ര കണ്ടെത്താന് ജില്ലാ പോലീസ് മേധാവിമാരെ ചുമതലപ്പെടുത്തിയിട്ടുണ്ട്. കോവിഡ് പ്രതിരോധ ഡ്യൂട്ടിയിലേര്പ്പെടുന്ന എല്ലാ പോലീസുദ്യോഗസ്ഥരും സുരക്ഷാ മാനദണ്ഡങ്ങള് കര്ശനമായി പാലിച്ച് സ്വയരക്ഷ ഉറപ്പാക്കണം. പോലീസുദ്യോഗസ്ഥരുടെ ആരോഗ്യസുരക്ഷ ഉറപ്പാക്കാന് സ്റ്റേറ്റ് വെല്ഫെയര് ഓഫീസറായ ബറ്റാലിയന് വിഭാഗം എ.ഡി.ജി.പിക്ക് പ്രത്യേക നിര്ദ്ദേശവും നല്കി.
യാത്രക്കാരെ വീടുകളിലേക്ക് കൊണ്ടുപോകുന്നതിനായി വിമാനത്താവളങ്ങളില് എത്തുന്ന വാഹനങ്ങള് മറ്റൊരിടത്തും നിര്ത്താതെ വീടുകളിലേക്ക് പോകുന്നുവെന്നും കൃത്യസമയത്ത് വീടുകളിലെത്തുന്നുണ്ടെന്നും ഉറപ്പുവരുത്താനും പോലീസ് ഉദ്യോഗസ്ഥരോട് ആവശ്യപ്പെട്ടിട്ടുണ്ട്.
പ്രതികരിക്കാൻ ഇവിടെ എഴുതുക