കൊച്ചി : നയതന്ത്ര ബാഗേജ് സ്വര്ണക്കടത്തു കേസിന്റെ സൂത്രധാരയാണെന്നു കരുതുന്ന സ്വപ്ന സുരേഷിനെതിരെ ലുക്കൗട്ട് നോട്ടിസ് പുറപ്പെടുവിക്കുമെന്നു കസ്റ്റംസ് അധികൃതർ. ഒളിവില് കഴിയുന്ന യുഎഇ കോണ്സുലേറ്റ് മുന് ഉദ്യോഗസ്ഥയായ ഇവർ രാജ്യത്തിനു പുറത്തുകടക്കില്ലെന്ന് ഉറപ്പിക്കാനാണു നടപടി.
സ്വപ്നയുടെ നീക്കങ്ങളെക്കുറിച്ച് ചില സൂചനകള് ലഭിച്ചിട്ടുണ്ടെന്നു മുതിര്ന്ന കസ്റ്റംസ് ഉദ്യോഗസ്ഥനെ ഉദ്ധരിച്ച് വാർത്താ ഏജൻസിയായ പിടിഐ റിപ്പോർട്ട് ചെയ്തു. അവര് എന്തിനാണ് ഒളിക്കുന്നതെന്ന് അറിയില്ല. അത് അവരെ കൂടുതല് കുഴപ്പത്തിലാക്കുകയേ ഉള്ളൂ. എന്തായാലും അവരെ പിടികൂടുമെന്നും ഉദ്യോഗസ്ഥന് പറഞ്ഞു. സംഭവത്തെക്കുറിച്ച് അറിയുന്ന നാലു പേരെ മൊഴിയെടുക്കാന് വിളിപ്പിച്ചിട്ടുണ്ട്.
ജൂണ് 30ന് തിരുവനന്തപുരം രാജ്യാന്തര വിമാനത്താവളത്തില് എത്തിയ ഡിപ്ലോമാറ്റിക് ബാഗേജില്നിന്നാണ് 13.5 കോടി രൂപ വിലമതിക്കുന്ന 30 കിലോഗ്രാം സ്വര്ണം പിടിച്ചത്. തുടര്ന്നു യുഎഇ കോണ്സുലേറ്റ് മുന് പിആര്ഒ സരിത്തിനെ അറസ്റ്റ് ചെയ്തു. ഇയാളെ ചോദ്യം ചെയ്തതില്നിന്നാണ് കോണ്സുലേറ്റ് മുന് ജീവനക്കാരിയായ സ്വപ്നയുടെ ഇടപെടല് വ്യക്തമായത്.
പ്രതികരിക്കാൻ ഇവിടെ എഴുതുക