കൊച്ചി: പണം ആവശ്യപ്പെട്ട് ഭീഷണിപ്പെടുത്തിയെന്ന കേസില് സാമൂഹ്യപ്രവര്ത്തകന് ഫിറോസ് കുന്നുംപറമ്ബില് മുന്കൂര് ജാമ്യാപേക്ഷയുമായി ഹൈക്കോടതിയില്. ഹര്ജിയില് കോടതി പൊലീസിന്റെ വിശദീകരണം തേടി. പൊലീസ് ഒരാഴ്ചയ്ക്കകം നിലപാടറിയിക്കണം.
അൺലോക്ക് -3: തിയേറ്ററുകളും ജിംനേഷ്യങ്ങളും തുറക്കുന്നത് പരിഗണനയിൽ
മാതാവിന്റെ കരള് മാറ്റ ശസ്ത്രക്രിയക്ക് സമൂഹമാധ്യമങ്ങളിലൂടെ സമാഹരിച്ച പണത്തിന്റെ പങ്ക് ആവശ്യപ്പെട്ട് ഭീഷണിപ്പെടുത്തിയെന്നാണ് ഫിറോസിനെതിരായ പരാതി. തളിപ്പറമ്ബ് സ്വദേശി വര്ഷയുടെ പരാതിയിലാണ് ചേരാനെല്ലൂര് പൊലീസ് കേസെടുത്തിട്ടുള്ളത്. ഹര്ജി അടുത്ത തിങ്കളാഴ്ച കോടതി പരിഗണിക്കും.
പെണ്കുട്ടിയുടെ പരാതിയില് ഫിറോസ് കുന്നംപറമ്ബിലടക്കം നാല് പേര്ക്കെതിരെ കേസെടുത്ത് അന്വേഷണം ആരംഭിച്ചിരുന്നു. കൊച്ചി ഡിസിപി ജി.പൂങ്കുഴലിക്കാണ് അന്വേഷണ ചുമതല. ഫിറോസ് കുന്നംപറമ്ബില്, സാജന് കേച്ചേരി, സലാം, ഷാഹിദ് എന്നീ നാലുപേര്ക്കെതിരെയാണ് ചേരാനല്ലൂര് പൊലീസ് കേസെടുത്തത്. ഭീഷണിപ്പെടുത്തിയതിനും സമൂഹമാധ്യമങ്ങളിലൂടെ അപമാനിച്ചതിനുമാണ് കേസ്. അന്വേഷണത്തിന്റെ ഭാഗമായി ഫിറോസിനെ പൊലീസ് ചോദ്യം ചെയ്തിരുന്നു.
കണ്ണൂര് തളിപ്പറമ്ബ് സ്വദേശി വര്ഷയാണ് പരാതിക്കാരി. ജൂണ് 24-നാണ് അമ്മയുടെ കരള്മാറ്റ ശസ്ത്രക്രിയ നടത്താന് സാമ്ബത്തി സഹായം അഭ്യര്ത്ഥിച്ച് വര്ഷ ഫെയ്സ്ബുക്ക് ലെെവിലെത്തുന്നത്. വളരെ വെെകാരികമായാണ് വര്ഷ ഫെയ്സ്ബുക്ക് ലെെവില് സഹായം അഭ്യര്ത്ഥിച്ചത്. വര്ഷയ്ക്ക് സഹായവുമായി സാജന് കേച്ചേരി പിന്നീട് എത്തുകയായിരുന്നു. നിരവധിപേര് വര്ഷയെ സഹായിക്കാന് രംഗത്തെത്തി. ശസ്ത്രക്രിയയ്ക്കു ആവശ്യമായതിനേക്കാള് അധികം തുക അക്കൗണ്ടിലേക്ക് എത്തിയിരുന്നു. പിന്നീട് പണമയക്കുന്നത് നിര്ത്താന് സാമൂഹ്യമാധ്യമങ്ങളിലൂടെ ആവശ്യപ്പെടേണ്ടിവന്നു.
വലിയ തുക അക്കൗണ്ടിലേക്ക് വന്നപ്പോള് ജോയിന്റ് അക്കൗണ്ട് വേണമെന്ന് തന്നോട് സന്നദ്ധ പ്രവര്ത്തകര് ആവശ്യപ്പെട്ടതായി വര്ഷ ആരോപിക്കുന്നു. ഇതിനു സമ്മതിക്കാതെ വന്നപ്പോള് ഫിറോസ് കുന്നുപറമ്ബില് അടക്കമുള്ളവര് തന്നെ ഫോണിലൂടെ ഭീഷണിപ്പെടുത്തുകയും സാമൂഹ്യമാധ്യമങ്ങളിലൂടെ ആക്ഷേപിക്കുകയും ചെയ്തതായാണ് വര്ഷയുടെ പരാതി.
പ്രതികരിക്കാൻ ഇവിടെ എഴുതുക