ഡെല്ഹി സര്വകലാശാലയിലെ അസോസിയേറ്റ് പ്രൊഫസര് ഹാനി ബാബുവിനെ എന്.ഐ.എ അറസ്റ്റ് ചെയ്തു .ഭീമ കൊറേഗാവ് കേസുമായി ബന്ധപ്പെട്ടാണ് അറസ്റ്റ്. എന്.ഐ.എയുടെ മുംബൈ ഓഫീസില് വെച്ച് അദ്ദേഹത്തെ ചോദ്യം ചെയ്തിരുന്നു.
ദല്ഹി സര്വകലാശാലയിലെ ഇംഗ്ലീഷ് ഡിപ്പാര്ട്ട്മെന്റിലെ അധ്യാപകനും അറിയപ്പെടുന്ന മനുഷ്യാവകാശ പ്രവര്ത്തകനുമാണ് ഹാനി ബാബു.
2019 സെപ്റ്റംബറില് മഹാരാഷ്ട്ര പൊലിസ് ഹാനി ബാബുവിന്റെ വീട്ടില് പരിശോധന നടത്തിയിരുന്നു. പരിശോധനയില് ലാപ്ടോപ് ഉള്പ്പടെയുള്ള ഉപകരണങ്ങളും അദ്ദേഹത്തിന്റെ അക്കാദമിക്ക് രേഖകളും പിടിച്ചെടുത്തിരുന്നു.
ലാപ്ടോപിലെ ചില വിവരങ്ങളിലൂടെ ഹാനി ബാബുവിന് മാവോയിസ്റ്റ് ബന്ധമുള്ളതായി കണ്ടെത്തി എന്നാണ് എന്.ഐ.എ അവകാശപ്പെടുന്നത്.
പ്രതികരിക്കാൻ ഇവിടെ എഴുതുക