കോവിഡിന്റെ പ്രത്യാഘാതങ്ങള് ദശാബ്ദങ്ങളോളം നിലനില്ക്കുമെന്ന് ലോകാരോഗ്യ സംഘടന മുന്നറിയിപ്പ് നൽകി. നൂറ്റാണ്ടില് ഒരിക്കല് സംഭവിക്കുന്ന മഹാമാരിയാണിതെന്നും ഇതിന്റെ പ്രത്യാഘാതങ്ങള് ദശാബ്ദങ്ങള് നീണ്ടുനില്ക്കുമെന്നും ഡബ്ല്യൂഎച്ച്ഒ മേധാവി ടെഡ്രോസ് അദാനം പറയുന്നു. എത്രയും പെട്ടെന്നു വാക്സിന് വികസിപ്പിക്കുന്നതു മാത്രമാണു കോവിഡ് നിയന്ത്രിക്കാനുള്ള ദീര്ഘകാല പരിഹാരം. പുതിയ സാഹചര്യത്തില് കോവിഡ് മാനദണ്ഡങ്ങളില് മാറ്റം വരുത്തുന്നതിനെക്കുറിച്ചും സമിതി ആലോചിക്കുന്നുണ്ട്.
രാഖിക്ക് പകരം മാസ്ക്; കൊവിഡ് കാലത്തെ രക്ഷാബന്ധന് ആഘോഷം
വാക്സിന് പരീക്ഷണങ്ങള് പുരോഗമിക്കുന്നുണ്ടെങ്കിലും കോവിഡിനൊപ്പം ജീവിക്കാന് പഠിക്കണമെന്നും ലഭ്യമായ മാര്ഗങ്ങള് ഉപയോഗിച്ച് വൈറസിനെ ചെറുക്കാന് സജ്ജരാകണമെന്നും അദ്ദേഹം പറയുന്നു. വൈറസ് വ്യാപനമുണ്ടായി ആറു മാസത്തിനു ശേഷമുള്ള സ്ഥിതിഗതികള് വിലയിരുത്തിയ ശേഷമാണ് ഡബ്ല്യൂഎച്ച്ഒ അടിയന്തരസമിതി ഈ മുന്നറിയിപ്പു നല്കിയിരിക്കുന്നത്. 18 അംഗങ്ങളും 12 ഉപദേശകരും അടങ്ങുന്ന ഡബ്ല്യൂഎച്ച്ഒ അടിയന്തരസമിതി കോവിഡ് കാലത്ത് നാലാം തവണയാണ് ചേരുന്നത്.
പ്രതികരിക്കാൻ ഇവിടെ എഴുതുക