ഓട്ടോ എക്സ്പോയിൽ അരങ്ങേറ്റം കുറിച്ച റെനോ ഡസ്റ്റർ എസ്യുവിയുടെ ടർബോ പെട്രോൾ പതിപ്പ് ഈ മാസം ഇന്ത്യൻ വിപണിയിലെത്തും. മുമ്പത്തെ 1.5 ലിറ്റര് ഡീസല് എഞ്ചിന് പകരമാണ് 1.3 ലിറ്റര് ടര്ബോ പതിപ്പിനെ കമ്പനി വിപണിയില് അവതരിപ്പിക്കുന്നത്.
ഏപ്രില് മാസത്തോടെ പുതിയ മോഡലിനെ വിപണിയില് അവതരിപ്പിക്കാനായിരുന്നു ഫ്രഞ്ച് വാഹന നിർമാതാക്കളായ റെനോ തീരുമാനം. എന്നാല് കൊവിഡ്-19 നെ തുടർന്ന് രാജ്യത്ത് പ്രഖ്യാപിച്ച ലോക്ക്ഡൗണിൽ അവതരണം വൈകുകയായിരുന്നു.
സ്റ്റൈലിംഗിന്റെ കാര്യത്തിൽ ഡസ്റ്റർ ടർബോ-പെട്രോൾ മോഡലിനേക്കാൾ വലിയ മാറ്റങ്ങളൊന്നും ഡസ്റ്റർ ടർബോ പതിപ്പിൽ ഉണ്ടാകില്ല.മുന് ഗ്രില്ലിലും ഫോഗ്ലാമ്പ് ഹൗസിങ്ങിലും പിന്നിലെ ഡസ്റ്റര് ബാഡ്ജിലും ചുവപ്പു ഹൈലൈറ്റുകള് ഉൾപ്പെടുത്തിയിരിക്കുന്നതാണ് ചെറിയ മാറ്റം.
എന്നാൽ 17 ഇഞ്ച് വലിപ്പമുള്ള അലോയി വീലുകളും കമ്പനി പരിഷ്കരിച്ചു എന്നത് ശ്രദ്ധേയമാണ്. ഇന്റീരിയർ അതേപടിയാണ് മുന്നോട്ടു കൊണ്ടുപോകുന്നത്. അതേസമയം RXZ വേരിയന്റിൽ കൂടുതൽ സവിശേഷതകൾ ലഭിക്കും.
പ്രതികരിക്കാൻ ഇവിടെ എഴുതുക