പമ്പാ ഡാമില് ജലനിരപ്പ് ഉയരുന്ന സാഹചര്യമായതിനാൽ ഓറഞ്ച് അലേര്ട്ട് പ്രഖ്യാപിച്ചു. ശക്തമായ നീരൊഴുക്ക് ഉള്ളതിനാല് ഷട്ടറുകള് തുറന്ന് അധികജലം ഒഴുക്കി വിടുന്നതിന് മുന്പായുള്ള സൂചന നൽകിയിട്ടുണ്ട്. അണക്കെട്ടിലെ ജലനിരപ്പ് 983.05 മീറ്റര് ആയി ഉയര്ന്നിട്ടുണ്ട്. കേന്ദ്ര കാലാവസ്ഥാ നിരീക്ഷണ വകുപ്പിന്റെ മുന്നറിയിപ്പ് അനുസരിച്ച് പത്തനംതിട്ട ജില്ലയില് അതിശക്തമായ മഴ പ്രതീക്ഷിക്കുന്നതിനാല് കഴിഞ്ഞ ദിവസത്തേതിന് സമാനമായ നീരൊഴുക്ക് ഉണ്ടാകാന് ഇടയുണ്ട്. വെള്ളിയാഴ്ച 207 മില്ലി മീറ്റര് മഴ കിട്ടുകയും അതിലൂടെ 12.36 എംസിഎം ജലം ഒഴുകിയെത്തുകയും ചെയ്തിരുന്നു.
കേന്ദ്രത്തിന്റെ അനുമതി; സ്വര്ണക്കടത്ത് അന്വേഷണം യുഎഇയിലേക്ക് , ഫൈസൽ ഫരീദിനെ ചോദ്യം ചെയ്യും
ഒരു മണിക്കൂറിനുള്ളില് ജലനിരപ്പ് 983.50 മീറ്ററിലേക്ക് എത്താന് സാധ്യതയുണ്ട്. അതുകൊണ്ടുകൂടിയാണ് രണ്ടാമത്തെ മുന്നറിയിപ്പായ ഓറഞ്ച് അലേര്ട്ട് പ്രഖ്യാപിച്ചത്. 984.5 മീറ്ററാകുമ്പോള് റെഡ് അലേര്ട്ട് പ്രഖ്യാപിക്കും. ഇതിനു ശേഷം 985 മീറ്റര് ഉയരത്തില് എത്തുമ്പോഴാണ് ഡാം തുറക്കുക. അതേസമയം, പമ്പാ നദിയുടെ തീരത്തു താമസിക്കുന്നവരും പൊതുജനങ്ങളും ജാഗ്രത പുലര്ത്തണമെന്ന് കളക്ടര് അറിയിച്ചു.
പ്രതികരിക്കാൻ ഇവിടെ എഴുതുക