Home KERALA റിയാസ് യാത്രയായത് വിവാഹ സ്വപ്‌നത്തോടൊപ്പം കോളേജ് കാലത്തെ പ്രണയം കൂടി പാതിവഴിയില്‍ അവസാനിപ്പിച്ച്‌

റിയാസ് യാത്രയായത് വിവാഹ സ്വപ്‌നത്തോടൊപ്പം കോളേജ് കാലത്തെ പ്രണയം കൂടി പാതിവഴിയില്‍ അവസാനിപ്പിച്ച്‌

കരിപ്പൂർ രാജ്യാന്തരവിമാനത്താവളത്തിലുണ്ടായ അപകടത്തിൽ മരിച്ച പതിനെട്ട് പേരിൽ ഒരാൾ ചെർപ്പുളശ്ശേരി മുണ്ടക്കോട്ട്ക്കുറിശ്ശി സ്വദേശി മുഹമ്മദ് റിയാസ് (24) ആയിരുന്നു.

ചെർപ്പുളശ്ശേരി ഐഡിയൽ കോളേജിൽ യൂണിയൻ ചെയർമാനായിരുന്ന മുഹമ്മദ് റിയാസ് കോളജ് പഠനകാലത്താണ് ഭാവിവധുവായ ഹന്യയെ പരിചയപ്പെടുന്നത്. സൗഹൃദം പ്രണയമായി വളർന്നു.. പിന്നീട് ജോലി തേടി സന്ദർശക വിസയിൽ യുഎഇയിലെത്തി..

അവിടെ ഒറു ഫാർമസ്യൂട്ടിക്കൽ കമ്പനി വെയർഹൗസ് അസിസ്റ്റന്‍റ് ആയി ജോലി നേടുകയും ചെയ്തു. ജോലി ലഭിച്ച് വിസ മാറ്റുന്നതിനായി വീണ്ടും നാട്ടിലേക്കെത്തിയ സമയത്താണ് പ്രണയബന്ധത്തെക്കുറിച്ച് വീട്ടിൽ അറിഞ്ഞതെന്നാണ് റിയാസിന്‍റെ അമ്മാവൻ അഷ്റഫ് അലി ഗൾഫ് ന്യൂസിനോട് പറഞ്ഞത്.

കരിപ്പൂരില്‍ എയര്‍ ഇന്ത്യാ വിമാനം ക്രാഷ് ലാന്‍ഡിംഗ് നടത്തിയതിന് രണ്ട് മണിക്കൂര്‍ മുമ്പ് ഇന്‍ഡിഗോ വിമാനവും സമാനമായി ടച്ച്ഡൗണ്‍ നടത്തി?; ഇന്‍ഡിഗോ വന്നിറങ്ങിയതും അപകടത്തില്‍ പെട്ട വിമാനത്തിന്റെ അതെ വഴിയെ തന്നെ, ഞെട്ടിക്കുന്ന റിപ്പോര്‍ട്ട്‌

‘റിയാസ് യുഎഇയിൽ നിന്ന് മടങ്ങിയെത്തിയപ്പോൾ അവരുടെ ബന്ധത്തെക്കുറിച്ച് വീട്ടിൽ എല്ലാവരും അറിഞ്ഞു… ഇതോടെ രണ്ട് വീട്ടുകാരുടെയും സമ്മതത്തോടെ ഒരു വർഷം മുമ്പ് വിവാഹം ഉറപ്പിച്ചു.. റിയാസ് അടുത്ത വാർഷിക അവധിക്ക് വരുമ്പോൾ വിവാഹം നടത്താമെന്നും നിശ്ചയിച്ചു’ എന്നാണ് അദ്ദേഹം പറയുന്നത്.ഇതോടെ പരസ്പരം സന്ദര്‍ശനം ഒക്കെയായി രണ്ട് കുടുംബങ്ങളും തമ്മിൽ നല്ല ബന്ധത്തിലായി.

കുറച്ചു മാസങ്ങൾക്ക് മുമ്പ് വിവാഹം നടത്താനായിരുന്നു തീരുമാനം എന്നാൽ കോവിഡ് പശ്ചാത്തലത്തിലുള്ള യാത്രാ നിയന്ത്രണം മൂലം നീണ്ടു പോയി.. തുടർന്ന് റിയാസ് വരുന്നതനുസരിച്ച് ഈ മാസം തന്നെ വിവാഹം നടത്താൻ തീരുമാനിക്കുകയായിരുന്നു.. നാട്ടിലെത്തി ക്വറന്‍റീൻ പൂർത്തിയാക്കി ചെറിയ ചടങ്ങോടെ വിവാഹം നടത്താമെന്നായിരുന്നു തീരുമാനം..അഷ്റഫ് അലി പറയുന്നു.

‘വിവാഹത്തിനായി പോവുകയാണ്… ഒരു വർഷം മുമ്പ് തന്നെ നിശ്ചയിച്ചതാണ്’ എന്നായിരുന്നു നാട്ടിലേക്ക് മടങ്ങാൻ കോൺസുലേറ്റിൽ നൽകിയ അപേക്ഷയിൽ റിയാസ് കാരണമായി പറഞ്ഞത്. എന്നാൽ വിധി നിശ്ചയിച്ചിരുന്നത് മറ്റൊന്നായിരുന്നു.

സഹോദരനായ നിസാമുദ്ദീന് ഒപ്പമാണ് റിയാസ് നാട്ടിലേക്ക് മടങ്ങിയത്. എന്നാൽ ഇയാൾ പരിക്കുകളോടെ രക്ഷപ്പെട്ടു. നിലവിൽ കോഴിക്കോട് മെഡിക്കൽ കോളജിൽ ചികിത്സയിലാണ് നിസാമുദ്ദീൻ സഹോദരന്‍റെ മരണവിവരം ഇയാളെ ഇതുവരെ അറിയിച്ചിട്ടില്ല.

Also Read :  പാലാരിവട്ടം പാലം പൊളിക്കല്‍ നടപടികള്‍ ആരംഭിച്ചു; പൊളിക്കല്‍ ആരംഭിക്കുന്നതിനു മുന്നോടിയായി പാലത്തില്‍ പൂജ !