ഇനി പൊതുജനങ്ങള്ക്ക് അംഗീകൃത ലാബുകളില് നേരിട്ട് പോയി കോവിഡ് പരിശോധന നടത്താം. ഡോക്ടറുടെ കുറിപ്പടിയില്ലെങ്കിലും കോവിഡ് പരിശോധന നടത്താനാകുമെന്ന് വ്യക്തമാക്കി സര്ക്കാര് ഉത്തരവിറക്കിയിരിക്കുന്നു. അതേസമയം പരിശോധനക്കായി തിരിച്ചറിയല് കാര്ഡ്, സമ്മതപത്രം എന്നിവ നിര്ബന്ധമാണ്. ആര്ടിപിസിആര്, ട്രൂനാറ്റ്, സിബിനാറ്റ്, ആന്റിജന് പരിശോധനകള് നടത്താനാകും.
തിരുവമ്പാടി എസ്ഐയ്ക്ക് കോവിഡ്; സിഐയും പൊലീസുകാരും നിരീക്ഷണത്തില്
പരിശോധനയില് കോവിഡ് സ്ഥിരീകരിച്ചാലും രോഗലക്ഷണങ്ങളില്ലെങ്കില് സൗകര്യമുള്ളവര്ക്ക് വീടുകളില് ചികിത്സയ്ക്കുള്ള സൗകര്യം തെരഞ്ഞെടുക്കാം. കേസുകള് കൂടിയതോടെ പരമാവധി പരിശോധനാ സൗകര്യങ്ങള് പൊതുജനങ്ങള്ക്ക് ലഭ്യമാക്കുന്നതിനാണ് നടപടി. സര്ക്കാര് നിശ്ചയിച്ച നിരക്കായിരിക്കും പരിശോധനക്കായി ഈടാക്കുക.
പ്രതികരിക്കാൻ ഇവിടെ എഴുതുക