മെക്സിക്കോ: ടെക്സസിൽ നിന്നും കാമുകനെ കാണാൻ മെക്സിക്കോയിലെത്തിയ 23 കാരിയെ കൊല്ലപ്പെട്ട നിലയിൽ കണ്ടെത്തി. ആഗസ്റ്റ് 9ന് ടെക്സസിലെ ബ്രോൺസ് വില്ലയിൽ നിന്നാണ് ലിസ്ബത്ത് ഫ്ലോര് മെക്സിക്കോയിലെത്തിയത്. ആഗസ്റ്റ് പത്തിന്ന് യുവതിയുമായി ബന്ധപ്പെടാൻ കഴിയാത്തതിനെത്തുടര്ന്ന് യുവതിയുടെ അമ്മ മരിയ റുബിയോ പോലീസിൽ പരാതി നൽകി.
ആഗസ്റ്റ് 11നാണ് യുവതിയുടെ മൃതദേഹം കണ്ടെത്തിയത്. കല്ലുകൊണ്ട് തലയിൽ ഇടിച്ചതിനെത്തുടര്ന്നാണ് യുവതി മരിച്ചതെന്ന് പോലീസ് പറഞ്ഞു. യുവതിയുടെ തലയോട് പിളര്ന്ന നിലയിലായിരുന്നെന്നും പല്ലുകൾ പറിച്ചെടുത്തിരുന്നുവെന്നും പോലീസ് പറഞ്ഞു. രണ്ട് കുട്ടികളുടെ അമ്മയാണ് കൊല്ലപ്പെട്ട ലിസ്ബത്ത്. യുവതിയെ കൊല്ലാൻ ഉപയോഗിച്ച കല്ല് സ്ഥലത്തു നിന്നും കണ്ടെടുത്തു.
കഞ്ചാവിന് പണം നൽകിയില്ല; കൈ തല്ലിയൊടിച്ച ശേഷം അമ്മയെ മകൻ കഴുത്ത് ഞെരിച്ച് കൊന്നു
മകളെ നഷ്ടപ്പെടുകയെന്നാൽ ഹൃദയം പറിച്ചെടുക്കുന്നതിനു തുല്ല്യമാണെന്ന് മരിയ റുബിയോ പറഞ്ഞു. എന്തുകൊണ്ടാണ് എന്റെ മകളോട് അവര് ഇത് ചെയ്തതെന്ന് അറിയില്ല. തന്റെ മകൾ മരണ സമയത്ത് അനുഭവിച്ച വേദനയെക്കുറിച്ച് ആലോചിക്കാൻ കഴിയുന്നില്ലെന്നും അവര് പറഞ്ഞു. സംഭവത്തിൽ ഇതുവരെ ആരെയും അറസ്റ്റ് ചെയ്തിട്ടില്ല. സംഭവത്തിൽ എഫ്ബിഐ അന്വേഷണം ആരംഭിച്ചിട്ടുണ്ട്.
പ്രതികരിക്കാൻ ഇവിടെ എഴുതുക