തിരുവനന്തപുരം: ലോക്ക് ഡൗൺ നിയന്ത്രണങ്ങള് ലംഘിച്ചതിന് സംസ്ഥാനത്ത് ഇന്ന് 2383 പേര്ക്കെതിരെ കേസെടുത്തു. മാസ്ക് ധരിക്കാത്ത 9936 കേസുകളാണ് ഇന്ന് രജിസ്റ്റർ ചെയ്തത്. ഇന്ന് 1326 പേരെ നിയന്ത്രണങ്ങൾ ലംഘിച്ചതിന് അറസ്റ്റ് ചെയ്തിട്ടുമുണ്ടെന്നും സ്റ്റേറ്റ് പോലീസ് മീഡിയ സെന്റർ അറിയിച്ചു.
കൊല്ലം റൂറലിലാണ് കൂടുതൽ കേസുകൾ റിപ്പോർട്ട് ചെയ്തിരിക്കുന്നത്, 642 എണ്ണം. വിവിധ ജില്ലകളിലായി 173 വാഹനങ്ങളും ഇന്ന് പിടിച്ചെടുത്തിട്ടുണ്ട്. ക്വാറന്റൈന് ലംഘിച്ചതിന് അഞ്ചു കേസുകളും രജിസ്റ്റര് ചെയ്തു.
ജില്ല തിരിച്ചുള്ള കണക്കുകൾ ഇങ്ങനെ. (കേസിന്റെ എണ്ണം, അറസ്റ്റിലായവര്, കസ്റ്റഡിയിലെടുത്ത വാഹനങ്ങള് എന്ന ക്രമത്തില്) തിരുവനന്തപുരം സിറ്റി – 334, 44, 12, തിരുവനന്തപുരം റൂറല് – 612, 431, 22, കൊല്ലം സിറ്റി – 256, 82, 56, കൊല്ലം റൂറല് – 642, 1, 1, പത്തനംതിട്ട – 44, 43, 8, ആലപ്പുഴ- 74, 62, 4, കോട്ടയം – 33, 45, 3, ഇടുക്കി – 14, 3, 1, എറണാകുളം സിറ്റി – 16, 13, 0, എറണാകുളം റൂറല് – 23, 13, 4, തൃശൂര് സിറ്റി – 22, 33, 3, തൃശൂര് റൂറല് – 5, 5, 3, പാലക്കാട് – 52, 129, 3, മലപ്പുറം – 43, 48, 12, കോഴിക്കോട് സിറ്റി – 45, 153, 25, കോഴിക്കോട് റൂറല് – 71, 79, 13, വയനാട് – 14, 1, 2 , കണ്ണൂര് – 6, 11, 0, കാസര്ഗോഡ് – 77, 130, 1.
സംസ്ഥാനത്ത് ഇന്നലെ 2549 പേര്ക്കെതിരെയാണ് ലോക്ക് ഡൗൺ ലംഘനത്തിന് കേസെടുത്തിരുന്നത്. ഇന്നലെ അറസ്റ്റിലായത് 1256 പേരാണ്. 199 വാഹനങ്ങളും പിടിച്ചെടുത്തിരുന്നു. ഞായറാഴ്ച് മാസ്ക് ധരിക്കാത്ത 10149 സംഭവങ്ങളാണ് സംസ്ഥാനത്ത് റിപ്പോര്ട്ട് ചെയ്തത്. ക്വാറന്റൈന് ലംഘിച്ചതിന് 11 കേസുകളും രജിസ്റ്റര് ചെയ്തിരുന്നു.
പ്രതികരിക്കാൻ ഇവിടെ എഴുതുക