ഏറ്റവും അധികം ആരോഗ്യ ഗുണങ്ങളുള്ള ഒന്നാണ് മുട്ട. പോഷകങ്ങളുടെ കലവറയാണ് മുട്ട. ഓരോ വ്യക്തിയുടെയും ശരീരഭാരത്തിന് അനുസരിച്ചുള്ള പ്രോട്ടീന് മുട്ടയുടെ വെള്ളക്കരുവിലും മഞ്ഞക്കരുവിലും അടങ്ങിയിട്ടുണ്ട്. മുട്ടയുടെ വെള്ളയില് ഫാറ്റ് കുറവാണ്. ആറ് ഗ്രാം പ്രോട്ടീന്, 55 മില്ലി ഗ്രാം സോഡിയം എന്നിവയുണ്ട്. കുറഞ്ഞ അളവിലേ കലോറിയുള്ളൂ. അതിനാല് മുട്ട ഡയറ്റില് ഉള്പ്പെടുത്തുന്നത് നല്ലതാണ്. അതേസമയം, മഞ്ഞക്കരുവില് വിറ്റാമിന് എ, ഫാറ്റ്, കൊളസ്ട്രോള് എന്നിവയുണ്ട്.
മഞ്ഞക്കരു കൂടുതല് കഴിച്ചാല് ശരീരത്തിലെ കൊളസ്ട്രോള് നില ഉയരും. എന്നാല് നിയന്ത്രിതമായ രീതിയല് കഴിച്ചാല് പ്രശ്നമില്ല. വിറ്റാമിന് എ, ബി, ഡി, ഇ, സി എന്നിവ ഇതില് അടങ്ങിയിരിക്കുന്നു. ഒപ്പം കാൽസ്യം, സോഡിയം, പൊട്ടാസ്യം, മഗ്നീഷ്യം, ഇരുമ്പ് എന്നിവയും മുട്ടയില് അടങ്ങിയിട്ടുണ്ട്. ശരീരഭാരം കുറയ്ക്കാന് ആഗ്രഹിക്കുന്നവര്ക്കും മുട്ട ഡയറ്റില് ഉള്പ്പെടുത്താം. അതേസമയം പ്രമേഹം, കൊളസ്ട്രോൾ എന്നീ പ്രശ്നങ്ങൾ ഉള്ളവര് ദിവസവും ഒന്നില് കൂടുതല് മുട്ട കഴിക്കരുത് എന്നാണ് വിദഗ്ധര് പറയുന്നത്. കൊളസ്ട്രോൾ പ്രശ്നമുള്ളവർ മുട്ടയുടെ മഞ്ഞക്കരു ഉപേക്ഷിച്ച് വെള്ളമാത്രം കഴിക്കുന്നതാകും ഉചിതം.
പ്രതികരിക്കാൻ ഇവിടെ എഴുതുക