കര്ശന നിയന്ത്രണത്തോടെ മുംബൈയില് മുഹറം പ്രദക്ഷിണത്തിന് അനുമതി നല്കി. ഓഗസ്റ്റ് 30ന് വൈകുന്നേരം 4.30നും 5.30 ഇടയിലാണ് പ്രദക്ഷിണം നടത്താന് അനുമതിയുള്ളത്. ട്രെക്കില് മാത്രമാകും പ്രദക്ഷിണം നടത്താനാകുക. ബോംബൈ ഹൈക്കോടതിയാണ് മുഹറം പ്രദക്ഷിണത്തിന് അനുമതി നല്കിയത്. പ്രദക്ഷിണത്തില് പങ്കെടുക്കുന്ന ഒരു ട്രെക്കില് അഞ്ച് പേര്ക്ക് മാത്രമാണ് സഞ്ചരിക്കാനാവുക. തെരഞ്ഞെടുത്ത പാതയില് മാത്രമാണ് പ്രദക്ഷിണം നടത്താനാവുക.
പ്രാദേശിക ഷിയാ മുസ്ലിം സംഘടനയാണ് ആവശ്യവുമായി കോടതിയെ സമീപിച്ചത്. പ്രതീകാത്മകമായ രീതിയില് പ്രദക്ഷിണം നടത്താനാണ് കോടതി അനുമതി നല്കിയിരിക്കുന്നത്. ആള്ക്കൂട്ടം തടയാന് സെക്ഷന് 144 അടക്കമുള്ള നിയന്ത്രണ മാര്ഗങ്ങള് സ്വീകരിക്കണമെന്നും സംസ്ഥാന സര്ക്കാരിനോട് കോടതി നിര്ദ്ദേശിച്ചു. നേരത്തെ മുഹറം പ്രദക്ഷിണത്തതിന് സുപ്രീംകോടതി അനുമതി നിരസിച്ചിരുന്നു.
പ്രതികരിക്കാൻ ഇവിടെ എഴുതുക