ഒരു മുടി എങ്ങാനും നരച്ചെന്ന് ശ്രദ്ധയിൽ പെട്ടാൽ ഉറക്കം പോലും നഷ്ടപ്പെടുന്നവരാണ് കൂടുതൽ പേരും. അപ്പോൾ ഈ ചെറു പ്രായത്തിൽ തന്നെ ഒരു പറ്റം മുടി നരച്ചാലുള്ള അവസ്ഥ ചിന്തിക്കാൻ പോലും പലർക്കും കഴിയില്ല. എന്നാൽ ചെറുപ്പത്തിൽ തന്നെ മുടി നരക്കുന്നത് ഇന്ന് സർവ്വ സാധാരണമായിരിക്കുന്നു. ഇതിന് പ്രതിവിധി തേടുന്ന എത്രയോ ആളുകൾ നമുക്കിടയിലുണ്ട്.
ഒരു മുടി എങ്ങാനും നരച്ചെന്ന് ശ്രദ്ധയിൽ പെട്ടാൽ ഉറക്കം പോലും നഷ്ടപ്പെടുന്നവരാണ് കൂടുതൽ പേരും. അപ്പോൾ ഈ ചെറു പ്രായത്തിൽ തന്നെ ഒരു പറ്റം മുടി നരച്ചാലുള്ള അവസ്ഥ ചിന്തിക്കാൻ പോലും പലർക്കും കഴിയില്ല. എന്നാൽ ചെറുപ്പത്തിൽ തന്നെ മുടി നരക്കുന്നത് ഇന്ന് സർവ്വ സാധാരണമായിരിക്കുന്നു. ഇതിന് പ്രതിവിധി തേടുന്ന എത്രയോ ആളുകൾ നമുക്കിടയിലുണ്ട്.
കറിവേപ്പിന്റെ ഇലകൾ മുടിയുടെ വേരുകൾ ശക്തിപ്പെടുത്താനും മുടിക്ക് ഭംഗിയേകുവാനും സഹായിക്കുന്നു. ഒരു കപ്പ് മോരിൽ ഒരു ടേബിൾ സ്പൂൺ കറിവേപ്പിന്റെ ഇലകൾ പൊടിച്ചത് കലർത്തി (പ്രകൃതിദത്ത കണ്ടീഷണറായി പ്രവർത്തിക്കുന്നു) മുടിവേരുകൾ മുതൽ മുടിയുടെ അറ്റം വരെ പ്രയോഗിക്കുക. 35-40 മിനിറ്റിനു നേരം വച്ചതിനു ശേഷം, ഒരു സാധാരണ ഷാംപൂ ഉപയോഗിച്ച് മുടി കഴുകുക. ഇത് കൂടാതെ, വെളിച്ചെണ്ണയിൽ കുറച്ച് കറിവേപ്പിലകൾ ഇട്ട് തിളപ്പിക്കാം. ഈ കാച്ചിയ എണ്ണ തലയിൽ പുരട്ടി മസാജ് ചെയ്ത്, 20 മിനിറ്റു നേരം വച്ച്, ശേഷം കഴുകി കളയുക. ഇവയിലേതെങ്കിലും പരിഹാര മാർഗ്ഗം ആഴ്ചയിൽ രണ്ടുതവണ ആവർത്തിക്കുക.
മുടിയുടെ വളർച്ചയ്ക്കും, മുടിയുടെ കറുത്ത നിറം പുനഃസ്ഥാപിക്കുന്നതിനും നെല്ലിക്ക സഹായിക്കുന്നു. കൂടാതെ, നെല്ലിക്ക പതിവായി കഴിക്കുന്നത് മുടി നരയ്ക്കുന്നത് തടയാൻ സഹായിക്കും. നാല് മുതൽ ആറ് വരെ കഷ്ണം ഉണക്കിയ നെല്ലിക്ക കുറച്ച് വെളിച്ചെണ്ണയിൽ (മുടിയുടെ നീളം അനുസരിച്ച്) ഇട്ട് തിളപ്പിച്ച് തലയിൽ നന്നായി മസാജ് ചെയ്യാം. എണ്ണമയമുള്ള ശിരോചർമ്മം ആണെങ്കിൽ, ഇതിന് പകരം ശുദ്ധമായ നെല്ലിക്കയുടെ നീര് ഉപയോഗിച്ച് മസാജ് ചെയ്യുക. പിന്നീട്, മൃദുവായ ഔഷധ ഷാംപൂ ഉപയോഗിച്ച് മുടി കഴുകുക. ആഴ്ചയിൽ രണ്ടുതവണ ഈ ചികിത്സ ചെയ്യുക.
കട്ടന് ചായയുടെ ഗുണങ്ങള്; ശരീര ഉന്മേഷത്തിന് അത്യുത്തമം
മുടിക്ക് സ്വാഭാവിക നിറം നൽകുന്ന ഘടകമായി പ്രവർത്തിക്കുന്ന ഉരുളക്കിഴങ്ങ് തൊലികൾ നിങ്ങളുടെ നരച്ച മുടിയെ ഇരുണ്ടതാക്കാൻ സഹായിക്കുന്നു. കട്ടിയുള്ള സ്റ്റാർച്ച് അടങ്ങിയ മിശ്രിതം ലഭിക്കുന്നതിന് 5-6 ഉരുളക്കിഴങ്ങിൽ നിന്ന് തൊലികൾ നീക്കം ചെയ്ത്, ഈ തൊലികൾ നന്നായി തിളപ്പിക്കുക. ഇത് തണുക്കുമ്പോൾ, അരിച്ചെടുത്ത് ഏതെങ്കിലും ഒരു അവശ്യ എണ്ണയുടെ ഏതാനും തുള്ളി അതിലേക്ക് ചേർക്കുക. ഒരു പാത്രത്തിൽ ഈ മിശ്രിതം സൂക്ഷിക്കുക. നിങ്ങളുടെ തലമുടി കഴുകി കണ്ടീഷണർ ഉപയോഗിച്ച ചെയ്ത ശേഷം, ഈ മിശ്രിതം ഉപയോഗിച്ച് കഴുകുക. ആഴ്ചയിൽ രണ്ടുതവണ ഇത് ചെയ്യുക.
നിങ്ങളുടെ മുടിയുടെ അകാലനര അകറ്റുവാൻ നിങ്ങൾക്ക് തന്നെ സ്വന്തമായി ഒരു പ്രകൃതിദത്ത ഷാംപൂ തയ്യാറാക്കാനും കഴിയും. ഇത് നരച്ച മുടിക്ക് പുറമെ മറ്റ് കേശ സംബന്ധമായ പ്രശ്നങ്ങൾക്കും ഉത്തമ പരിഹാരം നൽകും. മൂന്ന് നാല് ചീവയ്ക്കയും 10-12 പുളിഞ്ചി വിത്തുകളും (സോപ്പ് നട്ട്) ഒരു ഇരുമ്പ് പാത്രത്തിൽ ഇട്ട്, ഒരു ജഗ് നിറയെ വെള്ളം ഒഴിച്ച് ഒരു രാത്രി മുഴുവൻ മുക്കിവയ്ക്കുക. ഇത് അടുത്ത ദിവസം തിളപ്പിച്ച് ഒരു കുപ്പിയിൽ സംഭരിക്കുക. നിങ്ങളുടെ തലമുടി ആഴ്ചയിൽ രണ്ടുതവണ ഈ വെള്ളം ഉപയോഗിച്ച് കഴുകുക. അകാല നര ക്രമേണ ഇല്ലാതായി മുടിക്ക് കറുപ്പ് നിറം വന്നു തുടങ്ങും.
അകാല നര തടയാൻ സഹായിക്കുന്ന മറ്റൊരു മികച്ച പ്രതിവിധിയാണ് ഉള്ളി നീര്. ഉള്ളി നീരിൽ അകാലനര അകറ്റുവാൻ സഹായിക്കുന്ന കാറ്റലേയ്സ് എന്ന എൻസൈം അടങ്ങിയിട്ടുണ്ട്. 2-3 ഉള്ളി മുറിച്ച് ഒരു ടേബിൾ സ്പൂൺ ഗോതമ്പ് പുല്ല് (വീറ്റ് ഗ്രാസ്) പൊടി ചേർത്ത് ഒരു മിക്സിയിൽ നന്നായി അടിച്ച് യോജിപ്പിക്കുക. ഈ മിശ്രിതം കാറ്റലെയ്സ് കൊണ്ട് സമ്പുഷ്ടമാണ്. ഇതിലേക്ക് ഏതെങ്കിലും ഒരു അവശ്യ എണ്ണയുടെ ഏതാനും തുള്ളി ചേർത്ത് യോജിപ്പിച്ച്, ഇത് തലയിൽ നന്നായി തേച്ച് പിടിപ്പിക്കുക. ഒരു മണിക്കൂർ വച്ചതിനു ശേഷം തല കഴുകുക. അതല്ലെങ്കിൽ ഉള്ളി നീര് മാത്രമായും മുടിയിൽ നന്നായി തേച്ച് പിടിപ്പിക്കുന്നത് അകാല നര ഇല്ലാതാക്കുന്നതോടൊപ്പം മുടി കൊഴിച്ചിൽ അകറ്റാനും സഹായിക്കുന്നു.
പ്രതികരിക്കാൻ ഇവിടെ എഴുതുക