Home KERALA സ്വന്തമായി ഇൻക്യുബേറ്റർ നിർമിച്ച് താരമായി അഞ്ചാം ക്ലാസുകാരൻ

സ്വന്തമായി ഇൻക്യുബേറ്റർ നിർമിച്ച് താരമായി അഞ്ചാം ക്ലാസുകാരൻ

കാസർഗോഡ്: കാസർഗോഡ് നീലേശ്വരത്ത് സ്വന്തമായി ഇൻക്യുബേറ്റർ നിർമിച്ചിരിക്കുകയാണ് ഒരു അഞ്ചാം ക്ലാസുകാരൻ. സ്വന്തം ഇൻക്യുബേറ്ററിൽ ആറ് കോഴിക്കുഞ്ഞുങ്ങളെ വിരിയിച്ചെടുക്കുകയും ചെയ്തു ഈ മിടുക്കൻ.ഇത് കാസർഗോഡ് നീലേശ്വരം തൈക്കടപ്പുറത്തെ അഹമ്മദ് ഇഹ്‌സാൻ. അഞ്ചാം ക്ലാസിലാണ് പഠനമെങ്കിലും കൗതുകങ്ങൾ തേടുന്ന മനസാണ് ഇഹ്‌സാന്റേത്.

ചുരുളുകൾ അഴിയുന്നു; ബാലഭാസ്കറിന്റെ മരണത്തിൽ സ്റ്റീഫന്‍ ദേവസിയെ സി.ബി.ഐ ചോദ്യം ചെയ്യാനൊരുങ്ങുന്നു

കൊവിഡ് കാരണം ക്ലാസ് മുറിയിലെ പഠനം നിലച്ചപ്പോൾ വീട്ടിൽ പരീക്ഷണശാലയൊരുക്കി. സ്വന്തമായി ഒരു ഇൻക്യുബേറ്റർ നിർമിച്ചു. കാർഡ് ബോർഡ് പെട്ടിയും തെർമോക്കോളും ബൾബും ഉപയോഗിച്ച് തള്ളക്കോഴിയില്ലാതെ മുട്ട വിരിയിക്കാമെന്ന് ഈ കൊച്ചു മിടുക്കൻ നേരിട്ടറിഞ്ഞു. പെട്ടിക്കുള്ളിൽ വിരിഞ്ഞ ആറ് കോഴിക്കുഞ്ഞുങ്ങളിൽ ഒന്ന് കഴിഞ്ഞ ദിവസം ചത്തുപോയി.

ലൈഫ് മിഷൻ: ഇ.പി ജയരാജന്റെ മകൻ ജയസ്ൺ ജയരാജന് എൻഫോഴ്‌സ്‌മെന്റ് ഡയറക്ടറേറ്റിന്റെ നോട്ടിസ്

ആറ് ദിവസം മാത്രം പ്രായമായ അഞ്ച് കുഞ്ഞുങ്ങളും ഇഹ്‌സാന്റെ പരിചരണത്തിൽ ഇന്ന് പൂർണ ആരോഗ്യവാന്മാരാണ്.ആദ്യ പരീക്ഷണം വിജയിച്ചതോടെ തന്റെ ഇൻക്യുബേറ്ററിൽ കൂടുതൽ കോഴിക്കുഞ്ഞുങ്ങളെ വിരിയിക്കാനുള്ള ശ്രമത്തിലാണ് അഹമ്മദ് ഇഹ്‌സാൻ.

Also Read :  രാജ്യത്തെ കൊവിഡ് ബാധിതരുടെ എണ്ണം 58 ലക്ഷം കവിഞ്ഞു