കേന്ദ്രമന്ത്രിമാരായ നിതിന് ഗഡ്കരിക്കും പ്രഹ്ളാദ് സിംഗ് പട്ടേലിനും ഉള്പ്പടെ 30 എം.പിമാര്ക്ക് കൊവിഡ് സ്ഥിരീകരിച്ച സാഹചര്യത്തിൽ പാര്ലമെന്റിന്റെ വര്ഷകാല സമ്മേളനം വെട്ടിച്ചുരുക്കാന് കേന്ദ്രസര്ക്കാര് ആലോചിക്കുന്നതായി റിപ്പോർട്ട്. എന്നാൽ സഭ വെട്ടിച്ചുരുക്കുന്ന കാര്യത്തില് അന്തിമ തീരുമാനമായിട്ടില്ലെന്നാണ് കേന്ദ്രസര്ക്കാര് വൃത്തങ്ങള് വ്യകതമാക്കുന്നത്.
നേരത്തെ തീരുമാനിച്ചിരുന്നത് ഒക്ടോബര് ഒന്ന് വരെ തുടര്ച്ചയായി 18 ദിവസത്തേക്ക് വര്ഷകാല സമ്മേളനം ചേരാനാണ്. കൊവിഡ് സാഹചര്യത്തില് കര്ശന സുരക്ഷാ മുന്കരുതല് നടപടികള് പാലിച്ചാണ് സഭ ചേര്ന്നിരുന്നത്. എന്നാല് കൂടുതല് എം.പിമാര്ക്ക് കൊവിഡ് പിടിപെടുന്ന പശ്ചാത്തലത്തിലാണ് സഭ വെട്ടിച്ചുരുക്കി പിരിയാമെന്ന ചര്ച്ചകള് നേതാക്കള്ക്കിടയില് സജീവമായത്. സർക്കാർ കൊണ്ടുവന്ന പതിനൊന്ന് ഓര്ഡിനന്സിന് പകരമുള്ള ബില്ലുകള് അടുത്ത ആഴ്ച സഭയില് പാസാക്കിയാല് സമ്മേളനം അവസാനിപ്പിക്കാനാണ് സര്ക്കാര് നീക്കം.
പ്രതികരിക്കാൻ ഇവിടെ എഴുതുക